富來粥麵小廚 (已結業)

到咗下午茶時間都仲未食午飯，咁就唯有食下午茶嘅嘢。爆漿奶醬多，啲汁多到係咁的滴，烘底唔會過火。XO醬雞扒印尼撈麵，印尼撈麵係現成貨唔使多講，煮得仲保持彈牙就可以。XO醬味道有，雞扒外皮揸得過火左啲，有啲硬，界口。雞扒肉質紮實，但係唔乾，算可以。炸雞翼配薯條，雞翼南乳味超勁，同樣揸得過火左少少，外皮有啲硬。雞翼亦都比較細隻，肉比較少。薯條亦都係現成貨，炸得脆就可以。呢個加$5嘅蕃茄湯兩餸麵，就有啲離奇。蕃茄湯底只係放咗幾件蕃茄，湯底完全冇味。