影片
开饭介绍
这港式餐厅标榜菜式不含味精，主打用料十足、价钱亲民的镬气小菜及海鲜料理，更可预订特别菜式和亲友分享。
继续阅读
营业时间
星期一至日
07:00 - 22:00
以上资料只供参考，请与餐厅确认详情
朋友推介，今日去食晚餐，一间CP值高嘅茶餐厅！我哋预早一日订定海鲜，冰镇蛏子很出色👍🏻 炸子鸡皮脆肉嫩👍🏻 炖汤鲜甜👍🏻 一字骨好好味，但不够松软。椒盐鲜鱿，咕噜肉，小炒王都好出色。
继续阅读
早两个星期5月1号假期 需要在家工作 但系老婆放假想食早餐，所以叫老婆试吓富来的早餐 由于在家工作有突发事件，所以叫老婆先攞位叫定嘢食过咗一阵老婆打电话嚟叫我尽快落去 因为热辣辣😂沙嗲牛啲牛肉好明显比其他出面的牛肉厚身应该是鲜牛肉 而且牛肉份量多有惊喜多士的松脆啱啱好老婆，我叫咗鸡扒煎蛋我哋吓咗一跳，因为块鸡扒系出面食鸡扒嘅三倍大小 😝😋其实早餐冇乜花款，但系见微知著，食得出非常用心 食得出厨房的那一团火老婆食唔晒，我都帮手食埋非常满足顺带一提，有好多老顾客喺店舖聊天像一个小社区 不停有客人小朋友进来 又有顾客同宠物狗进来吃早餐大家都会倾偈 真系觉得气氛非常好 如果大家去行山真系可以嚟食个靓早餐才出发 💪🏼总括而言，绝对会再嚟帮衬
继续阅读
1475 浏览
见小肥近日多咗出入跑马地，发掘咗几间新店，似有六尺高嘅高姐姐就推介区内屹立咗十几年嘅「富来粥面小厨」，大赞小菜经济得黎有水准，肥肥家族衬周末有空即举家一试。升平街斜坡上两边都系咪表位，不过全日都泊满车车。位于街顶嘅地舖绿色嘅招牌好易认，不难找到。小店外墙贴出该星期嘅抗疫优惠及时日精选。室内空气流通。墙上挂出嘅靓靓素描均为跑马地嘅街景，街坊情怀尽在不言中。散座空间感足，除咗有电视睇，投影机会不断循环时播放出时令推介菜式。电子自助落单简便卫生。不过场内嘅熟客似乎都系钟意真人对话多。桌上摆有自用餐具及任用纸巾。浓汤鸡煲翅（$498/份）：翅翅同鸡汤好有文化地分开上，并由店主菲腊哥哥亲自分配。如相所示，每份当真足八两翅翅，四人分享刚刚好，不过五、六个人分都冇问题。以砂锅上嘅浓汤鸡热辣辣、香喷喷，饮落香浓甜美，火喉十足，必先预订绝对有理！每人有成两大碗汤饮，煲汤嘅半只鸡肉相当软腍，$498实属抵吃足料之选。拔丝菠萝咕噜肉（$118）：酸甜开胃嘅咕噜肉嘅拔丝外皮香脆，肉质亦好松爽。秘制咸香鸡（$128/半只）：镇店菜式之一嘅咸香鸡甘香幼滑，鸡皮柔润入味。富来小炒皇（$128）：招牌小炒皇爽脆惹味，好够镬气，灵魂所在就系捞咗啲脆卜卜嘅芋头丝炒制，甚有惊喜。蒜蓉炒白菜仔（$78）：细细樖嘅白菜仔清甜嫩脆，简单以蒜蓉调味已能为正菜提鲜。值得一提嘅就系炒菜可以指明要少盐少油，灵活变通嘅厨房真系就得食客。豉油王炒面（$88）：炒面好香口，面条够松够弹牙，最欣赏佢完全唔油兼且唔会黐埋一旧旧。自家制荔枝雪糕：嘻嘻，可能见同细佬好倾，老板娘好客气地送咗杯自家制嘅雪糕俾XO仔试。以荔枝蓉打制嘅雪糕混入咗清爽嘅龙眼肉，组合清甜芳香，轻盈可口。跑马地老店「富来粥面小厨」环境企理，镬气小菜量足味佳，店主亲民有干劲，据悉每日未天光已经开舖，心中团火以热诚传达，难怪会有咁多街坊捧场。
继续阅读
琴晚食饭，见到呢间好多人话抵食，于是去试下。去到点菜，同啲职员倾偈先发现呢间餐厅原来转手3个月，换左老板，但餐厅名保留一样。叫左个菠萝咕噜肉同埋豉椒腐乳炒西生菜味道好味嘅，但份量少，价钱一般，无以前啲相咁大碟抵食。
继续阅读
跑马地区内来来去去都是几间茶餐厅，特别有一间好多人钟意去，但我最钟意这一间。他刚刚开始顶手时试过一次，觉得他手忙脚乱，煎蛋又好油。但今日想正整地，唔使同人迫同埋唔使受气（在另一地方贴钱买难受），所以来俾多次机会。结果出乎意料地好，老板自己坐楼面，记得佢啱啱开嘅时候，都好客气问客人意见，我觉得佢真系有听。除咗坐得舒服，啲通粉唔会煮过龙，汤又唔会过咸。奶茶滑浓，湖南鸡蛋香浓。见到小菜review 不错，下次来试。
继续阅读