咖啡廳

营业中

休息中

預早訂左位, 一行6人食下午茶, 之前上食評睇過喜來登啲buffet都唔太差, 而家又有價惠喎, 4送1, 之後如果凸左人數匯豐或恒生白金咭都有85折, 呢到食物既種類都算多, 話晒只係下午茶啫, 估唔到會有雞蛋仔同格仔餅食囉, 之前去過咁多間酒店食都未見過, 呢到比較特別, 因為真係放左兩部機喺到, 有專人代客整, 咸點呢到算多野食, 又有點心類, 蝦餃燒賣牛肉等, 飯意粉粥,碗仔翅, 中西湯等, 又有pizza, 波蘿油, 迷水漢堡包(可代客整牛肉,漢堡等), 又有凍食既漢堡包(有煙三文魚同吞拿魚), 甜品除左有6款hagaan daz雪糕外, 仲有士多啤梨為題既蛋糕甜品, 焦糖布甸, 飲品最靚莫過於係Cappuccino 啦, 唔駛另加錢, 餐飲可以叫, 賣相已好靚, 味道都唔差, 所以各位可以試下埋單$959.2 4送1另一個$210.2 85折匯豐白金咭