南洋麵屋 (已結業)

前幾日補完習之後，見到五點幾仲有下午茶食所以就入咗嚟呢間食新加坡菜嘅餐廳。其實$38嘅下午茶來講真係好抵食！所以我同朋友就各自嗌左一個啦！我就嗌咗個海南雞飯，而朋友就帶咗一個豬頸肉檬粉。雖然係下午茶但係海南雞嘅份量同飯都唔少。海南雞份量幾多，而且肉質都好嫩滑。而且仲提供左兩款嘅醬料！你朋友嗌左呢一個豬頸肉檬粉，睇個樣都知豬頸肉煮得非常之好，而且唔會過熟或者太生！之後因為見到隔離枱都嗌左個串燒，份量好大，而且仲偷偷地聽到佢哋講話好好食，所以我哋都嗌左一碟！我哋嗌左雞肉同牛肉，個人來講成餐飯呢一個真係好好食！肉質非常之嫩滑，而且肉汁好多！最後我哋做嗌咗蒜蓉包同一杯嘢飲，蒜蓉包烘得啱啱好而且蒜蓉味都好重。