意粉屋 (已結業)

阿媽經常都來食野，貪佢坐得舒服又可以嘆咖啡。尤其是個下午茶，今日我地一行4大1細食左5個下午茶餐：2個炒天使面--不錯，要炒得好食都唔係易事。特色炒牛肉意粉--跟中式既乾炒牛河差不多，直情係兩姊妹。芝士焗年糕--兩個人食都嫌膩，不過勝在夠香，個味又較得唔錯。多人食會好d。芝麻醬西多士--好好食既甜品。又香又甜。total都只係$140有找(因為我本身有vip card，所以第二個半價。)以前佢地只會計最平個兩個半價，今次返來食，佢地好左好多，5個餐，價錢第2同第4高個2個半價，最平果個仲計翻9折。不過唔知點解，一開頭叫左兩個set，等左成半個鐘，催左幾次先來，之後個d又正常番了。而且今日個waiter真奇怪，成日都要我地叫斟水先斟，平日都唔係既，可能係d新人一時唔記得吧!基本上d服務態度都好好(以前有一兩個好衰架，不過都調走左了)。