泛亞飲食 (已結業)

上完堂之後仲要上堂，又唔想上堂之後先食飯。咁樣我個肚好慘架嘛，所以上堂之前食個下午茶頂住先，絕對係唔錯既選擇。平時下午茶都幾多人，可能星期五既關係。人流好似比平時小。雞翼配薯條呢隻炸雞翼係幾好食，醃得幾香，而且唔會太鹹架。雖然只係細細隻，但對我黎講已經算可以啦。而薯條反而用上粗薯條，好有薯味架。而且份量都幾多，食完個餐都有半飽既感覺。究竟呢個餐係幾多錢呢？十一蚊咋，平過出面好多好多。凍咖啡咖啡味好重，而且唔會整得太甜。算唔錯架。而呢度加凍飲，只係一蚊雞架咋。整體上都ok既，下午茶真係好抵。而且質素都唔錯，所以有時都會到食下午茶，就係因為夠平。