泛亞飲食 (已結業)

今日到學生飯堂買了一個汁燒豚肉天婦羅丼飯配凍奶茶。學生飯堂是香港大家樂集團有限公司的子公司Asia Pacific Catering經營的。汁燒豚肉天婦羅丼的肉數量不少，豚肉不硬而且都算多汁，但是天婦羅的粉蓋過了其他材料的味道，配的蔬菜都算多。奶茶入口細滑，奶味濃，茶亦夠濃，恰到好處。茶中有奶香，奶中有茶香。汁燒豚肉天婦羅丼28元連飲品，凍奶茶加1.5元。

25-3-2013(一)作為升斗小市民，面對現今社會，最怕是甚麼？歌也有得唱：♬♪♭～ 你怕！我怕！個個怕！煙加！酒加！屋租加！巴士加！的士加！多士芝士乜都加！加！加！加！加！加！糖又加！鹽又加！♬♪♭～近來，香港通貨膨漲持續升溫，甚麼東西也加價，作為升斗小民市的一份子，其實真的怕怕。若外出吃飯，想省掉三、兩元，我想，醫院、大專院校、政府合署等的附屬飯堂，不失為一個好的選擇。♬♪♭～無盡咁加趕到絕，求助哪吒。。。～♬♪♭是日下午，心血來潮，想吃平價的下午茶餐，唯有去求助「哪吒」！「哪吒」？「哪吒」在哪？哈哈。。。「他」就在 IVE (青衣分校)的飯堂裏。我不是 IVE 的學生，但有一段時間，我也經常來到這兒吃下午茶。因為那時候姐姐是 IVE 的職員，每天我放學後，坐車回家順度來到 IVE，便和姐姐在這兒吃下午茶。吃罷，她繼續晚上的工作，我就回家去。直至姐姐離職後，我才沒再來！想起，對上一次在這兒用膳，已是十一年前的事了。。。今天，我決定舊地重遊，再次來到這裡。一進飯堂，噢！才知道原來它已轉手給泛亞集團。看著面前大大的一塊餐牌，竟然看不到價錢有個二字頭的茶餐，這裏每個茶餐也低於 $19

上完堂之後仲要上堂，又唔想上堂之後先食飯。咁樣我個肚好慘架嘛，所以上堂之前食個下午茶頂住先，絕對係唔錯既選擇。平時下午茶都幾多人，可能星期五既關係。人流好似比平時小。雞翼配薯條呢隻炸雞翼係幾好食，醃得幾香，而且唔會太鹹架。雖然只係細細隻，但對我黎講已經算可以啦。而薯條反而用上粗薯條，好有薯味架。而且份量都幾多，食完個餐都有半飽既感覺。究竟呢個餐係幾多錢呢？十一蚊咋，平過出面好多好多。凍咖啡咖啡味好重，而且唔會整得太甜。算唔錯架。而呢度加凍飲，只係一蚊雞架咋。整體上都ok既，下午茶真係好抵。而且質素都唔錯，所以有時都會到食下午茶，就係因為夠平。

今日叫左個焗豬扒飯，平時出面食一樣既野，都要30蚊，但學校個Canteen竟然只賣18蚊，無論材料，賣相，味道都係一樣的，仲好大份，抵到爛！值得一試！但排隊時會比較長，因為最高風同時有成百人排隊！

呢個早上有同學請我食早餐，我當然會俾面佢啦。都唔知幾耐無食過canteen既早餐啦，今日有機會食啦。雞扒炒蛋整體上，雞扒就比較鞋口，無咁好食。而炒蛋當然無大記既咁滑啦，而多士就同出面既差唔多。係凍左同唔夠脆口。不過都係預期之內，比出面平已經係好事黎架。蕃茄肉碎公仔麵大記而經無左一段時間，估唔到可以canteen搵番。味道都唔錯，蕃茄味好重，係幾好食既粉麵。無記錯既只係加兩蚊咋。凍奶茶都係比大記既淡，無咁好飲。雖然呢間都係大記既，不過味道點都有出入。但呢個係計左既，因為價錢係平左好多。

有時返學實在太忙，唔可以出去食就會度解決啦。呢日就度食啦，放飯既時候人頭湧湧，想搵個位都好難。今日就簡單，食個叉米同紅豆冰。個紅豆冰唔使錢因為我有張贈券。叉燒米粉叉燒算係半肥瘦，幾好食架。份量又算幾多，而米粉又唔會整到太淋，食完都好飽。紅豆冰紅豆既份量都幾多，紅豆唔會太硬。奶水又唔算多，唔會搞到杯紅豆冰太甜。有得飯堂飲紅豆冰都係一件唔錯既事。平平地又食得幾飽，差唔記得有張飲品贈券，仲要係三十號到期，好彩用左先咋。

尋日又未有堂上，就同同學黎呢度食下午茶。見個水牌有焗薯食就食啦，因為焗薯都唔係成日有既。咁就食個焗薯拼春卷同粟米。春卷好普通既炸春卷，但勝在新鮮炸起。料有冬菇、芋絲等等啦。粟米唔多夠甜，不過我都預左，因為呢間飯堂既下午茶價錢比出面低，將貨就價都無辦法啦。碎蛋焗薯焗薯等到有人叫先放碎蛋既，碎蛋配上沙律醬都幾夾既。不過每次食焗薯都有個問題，就係食到最後會無哂料。到最後剩係可以齋食焗薯，個味好單調呀。凍奶茶都算幾好飲既。個焗薯都算係咁，不過就因為我食焗薯，令到同學甲無得食。因為去到我既時候，焗薯已經賣哂，真係唔好意思呀。上一次食焗薯又係去到我就賣哂，真係好"橋"。

前幾排同同學食下午茶，呢度係學校既飯堂，所以價位比一般既快餐店為低。我食左個椒鹽雞翼配西多士，飲凍奶茶。椒鹽雞翼好耐無食過啦，其實即係好普通既炸雞翼。雖然有燒雞翼食，但我都係鍾意食呢隻。因為其他快餐店已經搵唔到椒鹽雞翼，最令我懷念既係鹹鹹地既脆皮，呢點係燒雞翼做唔到既。而且雞翼既大小都可以接受既。西多士同出面差唔多，不過我食得出牛油係同出面既有分別。但對味道既影響不大。凍奶茶同大記果一樣咁好飲。除左椒鹽雞翼，杏仁霜都好難快餐點搵到。最緊要既係，呢個下午茶餐只係十二蚊咋，邊度會搵到呀？:

平時食lunch，我都係食肉醬意粉、燒味再唔係食即炒既野。食得多都會悶。我無想過，飯堂會出左喇沙。果次我食左肥牛喇沙加紅豆冰。呢個餐比其他既食開既貴D，但可以轉下口味都幾好呀。去到水吧，喇沙係即製既，等左一陣可以開餐啦個湯底有喇沙味，但我覺得比較淡，可以濃番少少就好啦。個粉都好多料，有肥牛、豆腐卜、芽菜等等啦。對於我呢D成日係飯堂食既人，喇沙可算係幾有新意既，如果可以多D新野出下就好啦。