五味茶餐廳

营业中

休息中

差唔多日日都會食下午茶，今日試下五味茶餐廳，一樣有炸豬扒西多士。超值下午茶$30,揀一款扒同埋一款小食，有餐飲，我揀咗吉列豬扒配半份西多，加四蚊飲紅豆冰。紅豆冰大大杯，好多紅豆，椰汁味幾香，煉奶都好香濃，鐘意有得飲又有得食。呢度嘅甜味，調配得剛好。吉列豬扒配西多，有沙律醬畀你點吉列豬扒，豬扒唔算細塊，下午茶餐嚟講，性價比很高。豬扒炸得脆，豬肉新鮮爽口。 西多士就醜樣咗少少，裏面都係有花生醬，可能蛋漿太多，炸完出嚟外面醜樣啲，不過味道都ok, 點埋糖漿食，又係一餐好味嘅下午茶。