影片
更多
2021-10-11
37 浏览
上環嘅霜瀛聽人介紹左好多次，終於有機會嚟一試究竟。前菜：呢個充滿咗沖繩風味嘅前菜，入面有嚟自沖繩嘅特產水雲所做嘅水雲醋，水雲係藻類嘅一種，亦可稱為水髮菜，加埋醋食，夠哂開胃。八爪魚帶有醬油味道，煙韌嘅口感，最後沖繩另一名物苦瓜，清新怡人，加埋蟹肉同埋麻醬，可以為苦瓜所帶出嘅苦味中添加蟹肉嘅鮮味同麻醬嘅香味。刺身方面真鯛：鯛魚係款高級白身魚鮮，具透明感嘅魚肉，鮮爽十足。櫻鱒：外表有啲似我哋平時食嘅三文魚，但係顏色較為深色，魚味截然不同，會較濃郁，所以可以加埋薑同芥末一齊食，令味道變得更加豐富。間白：魚籽醬，喺間白上面仲鋪左，海膽同埋金箔，除左令其增添不少貴氣外，仲加埋海膽嘅鮮甜，魚味更加突出。火炙銀鱈魚：銀鱈魚經過火炙，魚油逼哂出嚟，亦帶有炙燒嘅香味，味道係油香豐腴，令人齒頰留香。鮑魚：用咗嚟自暐本嘅鮑魚，鮑魚本身都鮮甜無比，再喺下面鋪左混入鮑魚粒同埋鮑魚肝醬嘅飯，三重鮑魚嘅衝擊，令人回味無窮。黑松露燒原粒珍寶帶子：帶子除左經秘製醬油浸泡之外，仲有將其火炙，之後仲將濃郁芳香嘅黑松露醬搽喺帶子嘅中間令到帶子嘅鮮甜味更加突出，壽司方面墨魚加上新鮮嘅紫菜：新鮮嘅墨魚切粒，煙韌口感同鮮甜嘅味道更
上環嘅霜瀛聽人介紹左好多次，終於有機會嚟一試究竟。
前菜：呢個充滿咗沖繩風味嘅前菜，入面有嚟自沖繩嘅特產水雲所做嘅水雲醋，水雲係藻類嘅一種，亦可稱為水髮菜，加埋醋食，夠哂開胃。八爪魚帶有醬油味道，煙韌嘅口感，最後沖繩另一名物苦瓜，清新怡人，加埋蟹肉同埋麻醬，可以為苦瓜所帶出嘅苦味中添加蟹肉嘅鮮味同麻醬嘅香味。
刺身方面
真鯛：鯛魚係款高級白身魚鮮，具透明感嘅魚肉，鮮爽十足。
櫻鱒：外表有啲似我哋平時食嘅三文魚，但係顏色較為深色，魚味截然不同，會較濃郁，所以可以加埋薑同芥末一齊食，令味道變得更加豐富。
間白：魚籽醬，喺間白上面仲鋪左，海膽同埋金箔，除左令其增添不少貴氣外，仲加埋海膽嘅鮮甜，魚味更加突出。
火炙銀鱈魚：銀鱈魚經過火炙，魚油逼哂出嚟，亦帶有炙燒嘅香味，味道係油香豐腴，令人齒頰留香。
鮑魚：用咗嚟自暐本嘅鮑魚，鮑魚本身都鮮甜無比，再喺下面鋪左混入鮑魚粒同埋鮑魚肝醬嘅飯，三重鮑魚嘅衝擊，令人回味無窮。
黑松露燒原粒珍寶帶子：帶子除左經秘製醬油浸泡之外，仲有將其火炙，之後仲將濃郁芳香嘅黑松露醬搽喺帶子嘅中間令到帶子嘅鮮甜味更加突出，
壽司方面
墨魚加上新鮮嘅紫菜：新鮮嘅墨魚切粒，煙韌口感同鮮甜嘅味道更加突出。
深海池魚加上紫蘇花嘅花穗：深海池魚魚味極濃，而花穗紫蘇所帶嘅甜美淡雅，為壽司添加上不少特別嘅色彩。
野生拖羅加上秘製醬油：野生拖羅用嘅係赤身，含脂量較少，但正好有秘製嘅醬油，可以為其鮮味增添數倍。
炙燒左口魚：滿滿魚油嘅左口魚經過炙燒，魚油嘅香氣四溢，未食都留哂口水。
穴子海鰻：海鰻口感較為結實，帶有鰻魚獨特嘅甜味，用嚟做壽司就最啱。
北海道嘅海膽：嚟自北海道嘅海膽，鮮甜係比，令人一食上癮。
蔥吞拿魚腩飯：吞拿魚腩蓉切到大小不一，所以口感特別豐富，加埋香蔥同埋新鮮嘅三文魚籽，令味道變得更加豐富。
麵豉湯：呢個係蜆湯作主調，所以每碗都見到有大大隻嘅蜆，湯嘅味道有濃濃蜆嘅鮮甜味，真係一飲上癮。
张贴
