麵鮮醬油房周月 (歌賦街)

营业中

休息中

成日經過周月都大排長龍，所以無去試到。咁岩早放工又經過唔洗排隊就即刻同同事試下。周月拉麵麵質同一蘭一樣，湯底可以簡濃同淡，當然選擇濃啦。湯帶有魚香，飲落帶有點甜，好味叉燒半肥瘦 格外野味，溏心蛋應該都有用醬汁調味過，有心思。周月沾麵呢個湯唔似其他沾麵既得個咸字，仲有一份酸味，中和左肥膩既感覺。無得頂。麵條粗度岩岩好，一淡接一淡停唔到口。叉燒切咸左細片，多葱，200g份量岩岩好。小食叫左餃子同炸雞(望到即食，忘記影相）餃子無乜特別，正正常常。還可以。不過炸雞真係必點，好好食，外脆內軟，炸過仲好嫩滑，無雪藏即味 而且好有雞味。總括，周月比我既感覺幾特別，創新得黎又保持傳統拉麵/沾麵既水準。