影片
更多
2019-06-04
18 浏览
呢間Cafe未搬舖之前已經好想同D朋友一齊嚟，因為知道呢度啲pancake好出名而且好靚！但之前一直都約唔到所以一路都冇嚟過，今次好開心終於一嘗所願！位置唔算好方便，有種隱世Cafe嘅感覺😛 見到門面已經好有藝術感，入到去室內都有壁畫，白色tone感覺好舒適清新，亦都有好多地方可以打卡。Menu方面其實都唔少選擇，而且都幾特別，好多出面都冇見過嘅，當然仲有佢哋最出名嘅pancake，有好多唔同嘅口味。我哋兩個人每人嗌咗一樣食物同一杯飲品，享受難得空閒嘅Tea Time。招牌燒海鹽忌廉麻糬pancake (原味)一路以來好期待嘅pancake！賣相好靚！一切開真係見到啲麻糬流出黎！Pancake係比較紮實嘅質地，而且係比較厚，所以一塊都已經夠飽。Pancake上面係牛奶雪糕同埋海鹽忌廉，好香滑，仲有少少香蕉，配埋一齊都幾夾，但留意海鹽忌廉係比較鹹，所以我覺得配小小已經足夠😛個人好鍾意食麻糬，呢度嘅麻糬幾足料，煙煙韌韌，口感唔錯。慢煮蛋乳酪配烤芝士麵包賣相都已經好吸引。店員推薦我哋要將啲醬汁撈勻，一次過配埋蔬菜同麵包一齊食。啲醬汁係由雞蛋，乳酪同小小辣醬自家調配嘅，非常特別。食落酸酸鹹鹹，
位置唔算好方便，有種隱世Cafe嘅感覺😛 見到門面已經好有藝術感，入到去室內都有壁畫，白色tone感覺好舒適清新，亦都有好多地方可以打卡。
Menu方面其實都唔少選擇，而且都幾特別，好多出面都冇見過嘅，當然仲有佢哋最出名嘅pancake，有好多唔同嘅口味。我哋兩個人每人嗌咗一樣食物同一杯飲品，享受難得空閒嘅Tea Time。
招牌燒海鹽忌廉麻糬pancake (原味)
一路以來好期待嘅pancake！賣相好靚！一切開真係見到啲麻糬流出黎！Pancake係比較紮實嘅質地，而且係比較厚，所以一塊都已經夠飽。Pancake上面係牛奶雪糕同埋海鹽忌廉，好香滑，仲有少少香蕉，配埋一齊都幾夾，但留意海鹽忌廉係比較鹹，所以我覺得配小小已經足夠😛個人好鍾意食麻糬，呢度嘅麻糬幾足料，煙煙韌韌，口感唔錯。
慢煮蛋乳酪配烤芝士麵包
賣相都已經好吸引。店員推薦我哋要將啲醬汁撈勻，一次過配埋蔬菜同麵包一齊食。啲醬汁係由雞蛋，乳酪同小小辣醬自家調配嘅，非常特別。食落酸酸鹹鹹，唔會覺得辣。烤麵包好香，而且好香脆，好食！
皇室伯爵茶黑朱古力
伯爵茶同朱古力嘅味道都好濃郁，但配搭上嚟都非常之夾！
花香黑茶
店員說將茶葉泡一陣就拎開～茶味好香濃，配了檸檬又有種清新嘅感覺。食完甜野再飲又可以消滯，感覺舒適。
呢度無論環境定係食物都令人感覺好relax好治療，而且食物質素很不錯，除左賣相好，而且都好食，亦都非常特別，仲有好多其他特色小食下次可以再嚟試！
张贴
