稻‧火鍋 (已結業)

如果鍾意打邊爐又對食物有要求就必定要是稻菊集團既火鍋店 — 稻 火鍋！一坐低見到餐具就已經好鍾意好日本Feel。餐廳唔大但好開揚，格局好舒服。靜靜地同朋友嘆住酒打邊爐仲正！打邊爐當然唔係淨係睇環境，食物當然係最重要啦！先來本地手切肥牛，賣相一流，都幾多Marble脂肪平均！之後再試埋餃同丸！手打蝦丸必食！食得出啖啖蝦肉，墨魚丸就一般！呢個蝦丸比好多地方都出色！另外呢兩樣都係必點！叉燒水晶包同豚肉餃！豚肉餃裡面個汁好特別，個部長好少話係用日本醬料！少有食到咁正既叉燒水晶包！最後點埋稻庭烏冬！完滿！最後餐廳奉送免費甜品！賣相份外有心思！唔係普通送杯雪糕球俾你！呢度已經值得加分！所有食物用料一流，呢個價錢係食得過！