影片
更多
2022-07-30
95 浏览
人生第一次食印度嘢，喺香港識咗咁耐都未食過過印度菜，見到上環呢間評價幾好就一於嚟試吓！餐廳嘅裝修都好有印度嘅風格，好似1秒去咗印度咁，電視呢仲播住印度嘅劇集！環境好大坐得都好舒適，假日中午都有唔少人嚟食嘢~侍應都好Nice比餐牌我哋慢慢諗，主動俾水，可以慢慢坐同朋友傾偈。一坐低俾咗兩個醬汁，青色嗰張有啲香草薑蓉，酸酸地有薄荷味，少少辣。紅色嗰個反而甜甜辣辣，有少少香料味。🍴炸米餅配薄荷汁 $88 (8/10) 另收加一睇印度美食都會食嘅波波球！想試好耐🤣青醬係薄荷辣汁，都真係幾辣，脆波波係外脆內軟，入邊有好多豆泥，口感幾特別，幾好食。🍴印式芝士餃子 $88 (9/10) 另收加一芝士餃子，係一粒粒散開嘅芝士入邊有啲蔥花，個皮比較煙靭，感覺都幾特別清新，個汁係酸酸辣辣。🍴香燒馬友魚 $142 (7/10) 另收加一魚烤到乾身，好似燒到就嚟燶咁，魚肉比較硬身，一陣碳香味，有少少香料味？可能係印度風味？唔係好食得慣！🍴芝士烤餅 $36 (10/10) 另收加一厚身啲，淋身少少，比較煙靭🤏🏻入面有少少芝士，芝士味唔算濃，不過個餅都幾香口，甜甜地好好食！🍴蒜茸烤餅 $26 (8/10) 另收加一
一坐低俾咗兩個醬汁，青色嗰張有啲香草薑蓉，酸酸地有薄荷味，少少辣。紅色嗰個反而甜甜辣辣，有少少香料味。
🍴炸米餅配薄荷汁 $88 (8/10) 另收加一
睇印度美食都會食嘅波波球！想試好耐🤣青醬係薄荷辣汁，都真係幾辣，脆波波係外脆內軟，入邊有好多豆泥，口感幾特別，幾好食。
🍴印式芝士餃子 $88 (9/10) 另收加一
芝士餃子，係一粒粒散開嘅芝士入邊有啲蔥花，個皮比較煙靭，感覺都幾特別清新，個汁係酸酸辣辣。
🍴香燒馬友魚 $142 (7/10) 另收加一
魚烤到乾身，好似燒到就嚟燶咁，魚肉比較硬身，一陣碳香味，有少少香料味？可能係印度風味？唔係好食得慣！
🍴芝士烤餅 $36 (10/10) 另收加一
厚身啲，淋身少少，比較煙靭🤏🏻入面有少少芝士，芝士味唔算濃，不過個餅都幾香口，甜甜地好好食！
🍴蒜茸烤餅 $26 (8/10) 另收加一
少少香嘅蒜頭味，個餅好鬆化，比較香脆乾身啲，好香口，啱晒點咖喱食。
🍴瑪沙拉羊膝 $188 (10/10) 另收加一
羊膝個咖喱好好食，入邊有好多洋蔥，咖喱香料，香得來又唔會辣，好香口，真心點咩都好好食！肉質好入味好淋，係一絲絲散開晒，好香濃嘅羊肉味道，
🍴芒果酸奶 $37 (9/10) 另收加一
芒果酸奶好香濃嘅芒果味，芒果味好香唔會好假，乳酪質感好濃稠，酸酸甜甜，偏酸解膩，覺得好解辣！真係每枱都叫芒果酸奶。
推薦指數: 9/10
想食印度正宗咖喱一定要嚟呢一間！真心好正宗係印度人主理，餐牌有中文對照，咖喱好好食，環境好舒適，店員都好友善好Nice。不過如果兩個人嚟食嘅話唔使叫咁多，因為真係食到好飽！由於每樣都想試啲先叫咁多嘢食😆😆不過嚟到一定一定要叫咖喱同埋薄餅，真係好正宗好有印度風味。
张贴
