La Casa Bistro (已結業)

上環西環最多嘅係點心中菜，但係如果行過少少，去到中環嗰邊就有多少少西式或東南亞野食。呢間係專做手工意粉的，有天使麵、闊條麵、幼蛋麵同通心粉。我地唔係太餓，所以就只叫咗一個set dinner，改左前菜做白酒煮蜆，甜品又改左做Tiramisu，另外再加碟西蘭花就剛剛好。白酒煮蜆，蒜香同酒味連埋個湯好夾，喜歡嘅係濃而不烈嘅味道。肥美嘅蜆肉吸咗一啲湯底味道，好鮮甜。旁邊仲有多士配，可惜多士無醬無牛油，試過沾湯底但味道怪怪。我地叫咗個Rigatoni。本來忌廉汁比人一種好膩嘅感覺，但係佢加上流心蛋就截然不同。因為蛋汁平衡到忌廉汁，令本來只係rich 加埋香。手工嘅通粉好彈牙同厚實，感覺有份量好多！炒咗個西蘭花就純粹係想食多啲菜。最後仲要咗個Tiramisu。酒浸餅加埋啲芝士忌廉，外相同平時嘅Tiramisu 唔同，但係味道好好多。最後仲叫咗杯凍朱古力。可惜淡左少少，如果濃番少少就好。