La Casa Bistro (已結業)

上環嘅周末相當寧靜，專登趁男友生日試下呢間精緻西餐。店內環境唔算大，但佈置好有氣氛，坐得都幾舒服。首先嗌左大家都咁鐘意食嘅煮蜆，配上兩塊超級香脆嘅歐陸麵包，沾上白酒蒜湯汁非常之咁襯。另外仲試左意式燴牛腩，本身好怕牛腩，因為好容易嚡口，點知牛腩好腍身，入口即化咁滯，而且都好入味。蟹肉餅配莞茜青檸醬，炸到勁香脆，蟹肉都夠多夠綿密。野菌煙肉忌廉燴雞，估唔到咁入味得黎啲雞又唔嚡喎，醬汁濃度剛剛好另外竟然有鮮榨果汁飲，好驚喜！呢度消費唔貴，環境又好，如果有機會一定會再返黎！