湯煲私房火鍋 (已結業)

朋友發現咗上環呢度開咗新火鍋店，所以約埋放工黎試下。有間咗房位，好似俾食煙客人另一個房又有電視。配料好多，呢個都好重要，雖然最後啲材料都好鮮甜，唔使點落配料。叫咗皮蛋芫茜清湯，超多芫茜，啱哂我，變咗唔洗自己再叫。再拼沙嗲湯底，一邊清，一邊香好濃郁，大家唔洗爭！！個牛顏色好靚，花紋都好均勻，肉質軟嫰，牛味濃郁，入口好好味。野飲叫咗一樽青檸梳打，分到好多柸，幾好飲。食完有甜品送，椰青糕配金泊賣上好睇，椰青味清新又好味，仲有芝麻卷，生果。