影片
更多
2023-08-30
360 浏览
放假同老公去咗上環呢間彷彿去咗歐洲嘅靚靚餐廳嘆個靚lunch，店裏面充滿古典氣息，有古董琴、家具，餐桌、餐椅、擺設都散發着濃濃歐洲氣息。lunch set價錢$248-$328，包咗starter、main course 同埋咖啡/茶。迷你馬蘇里拉芝士、櫻桃番茄及火箭菜沙律 配蜜糖芥末紅菜頭汁賣相好精緻，小花做點綴好靚😍水牛芝士軟綿香滑😋，仲有櫻桃蕃茄同埋火箭菜，沾上甜甜地嘅蜜糖芥末紅菜頭汁真係好夾好開胃。法式煙肉雜菜湯煙肉好香，唔會好咸，雜菜湯好足料，好多種蔬菜，濃洧又甜，好飲👍🏻香煎三文魚配薯蓉、炒菠菜及法蔥白酒忌廉汁三文魚煎得火候好好，切開粉嫩粉嫩，肉質柔軟，保持濕潤，而且一啲都唔腥，同埋綿綿嘅忌廉薯蓉一齊食好夾。另外配菜嘅炒菠菜好嫩，完全冇渣👍🏻西班牙伊比利亞黑毛豬肩胛肉配無花果醬、燒汁及香烤馬鈴蓉用咗慢煮嘅方法真係超級嫩，豬肩胛肉質好柔軟，望落有啲似牛肉，食起上嚟好多肉汁，唔講其實真係以為食緊牛扒😆配上無花果醬同埋燒汁，有啲果香甜味，就算食肉都唔會覺得膩😋朱古力蛋糕蛋糕擺盤精緻，蛋糕有朱古力鏡面，切開中間有一層層特濃朱古力慕絲，唔太甜，啱晒我朱古力控😍Cappuccino 食
放假同老公去咗上環呢間彷彿去咗歐洲嘅靚靚餐廳嘆個靚lunch，店裏面充滿古典氣息，有古董琴、家具，餐桌、餐椅、擺設都散發着濃濃歐洲氣息。lunch set價錢$248-$328，包咗starter、main course 同埋咖啡/茶。
迷你馬蘇里拉芝士、櫻桃番茄及火箭菜沙律 配蜜糖芥末紅菜頭汁
賣相好精緻，小花做點綴好靚😍水牛芝士軟綿香滑😋，仲有櫻桃蕃茄同埋火箭菜，沾上甜甜地嘅蜜糖芥末紅菜頭汁真係好夾好開胃。
法式煙肉雜菜湯
煙肉好香，唔會好咸，雜菜湯好足料，好多種蔬菜，濃洧又甜，好飲👍🏻
香煎三文魚配薯蓉、炒菠菜及法蔥白酒忌廉汁
三文魚煎得火候好好，切開粉嫩粉嫩，肉質柔軟，保持濕潤，而且一啲都唔腥，同埋綿綿嘅忌廉薯蓉一齊食好夾。另外配菜嘅炒菠菜好嫩，完全冇渣👍🏻
西班牙伊比利亞黑毛豬肩胛肉配無花果醬、燒汁及香烤馬鈴蓉
用咗慢煮嘅方法真係超級嫩，豬肩胛肉質好柔軟，望落有啲似牛肉，食起上嚟好多肉汁，唔講其實真係以為食緊牛扒😆配上無花果醬同埋燒汁，有啲果香甜味，就算食肉都唔會覺得膩😋
朱古力蛋糕
蛋糕擺盤精緻，蛋糕有朱古力鏡面，切開中間有一層層特濃朱古力慕絲，唔太甜，啱晒我朱古力控😍
Cappuccino
食完飯再慢慢嘆埋杯咖啡，好滿足😌
张贴
