影片
更多
2021-10-26
88 浏览
身邊有位朋友次次約食飯都係約食印度菜🤣 今次佢介紹我食上環呢間印度嘢「印度皇Basmati 」🇮🇳 我以前喺附近返工都無留意呢個位置原來有間印度嘢🤔⋯⋯餐廳門面唔算太顯眼，要行一小段樓梯先到達餐廳。入到去餐廳空間感十足，裝修貫徹印度餐廳特色，用上木枱木櫈再配上鮮艷顏色，充滿印度色彩！餐廳入面更有打卡位，有兩張宮廷櫈俾你坐📸餐廳店員好熱情，某啲店員識講少少廣東話，其中一個店員好似仲幾靚仔添，把聲勁温柔😏 (無圖俾到大家 sorry🙇🏻♀️)講返個餐牌先，餐廳主打北印度料理，味道較温和，唔似南印度料理，南印度料理味道較為辛辣，重口味多啲🤓 我朋友就比較偏好北印度料理💁🏻♀️ 餐牌上有肉類、海鮮、印度小食、烤餅同飯，當然仲有素食可以揀！畢竟印度因為宗教關係素食人口佔多數，所以餐牌素食菜式都比較多👍🏻 呢度亦有套餐可以選擇，有二人、四人、六人、八人套餐，甚至有超過十人嘅套餐，價錢超值👍🏻❤️ 是日餐湯一叫完嘢食無耐，店員首先就係奉送熱辣辣嘅南瓜湯，入口好濃好順滑，好重胡椒味同有少少辣味，特別得嚟又幾好飲喎😙❤️ Garlic Chicken Tikka $96店員強烈推薦呢個蒜蓉串燒雞柳，店員推薦
餐廳門面唔算太顯眼，要行一小段樓梯先到達餐廳。
入到去餐廳空間感十足，裝修貫徹印度餐廳特色，用上木枱木櫈再配上鮮艷顏色，充滿印度色彩！
餐廳入面更有打卡位，有兩張宮廷櫈俾你坐📸餐廳店員好熱情，某啲店員識講少少廣東話，其中一個店員好似仲幾靚仔添，把聲勁温柔😏 (無圖俾到大家 sorry🙇🏻♀️)
講返個餐牌先，餐廳主打北印度料理，味道較温和，唔似南印度料理，南印度料理味道較為辛辣，重口味多啲🤓 我朋友就比較偏好北印度料理💁🏻♀️ 餐牌上有肉類、海鮮、印度小食、烤餅同飯，當然仲有素食可以揀！畢竟印度因為宗教關係素食人口佔多數，所以餐牌素食菜式都比較多👍🏻 
呢度亦有套餐可以選擇，有二人、四人、六人、八人套餐，甚至有超過十人嘅套餐，價錢超值👍🏻❤️ 是日餐湯
一叫完嘢食無耐，店員首先就係奉送熱辣辣嘅南瓜湯，入口好濃好順滑，好重胡椒味同有少少辣味，特別得嚟又幾好飲喎😙❤️ Garlic Chicken Tikka $96
店員強烈推薦呢個蒜蓉串燒雞柳，店員推薦無理由唔試啫😏 雞柳以鐵板呈上，聞到撲鼻嘅香氣已經令人垂涎欲滴🤤 雞柳醃得好入味，有股炭烤香氣！肉嫩多汁，唔會太乾柴，食起嚟蒜香十足，加埋檸檬汁食，一個字：正！👍🏻 愛蒜人士必食！🧄❤️ Samosa Chaat $88
Samosa chaat真係我近期熱愛，最近食印度菜都會叫！
其實佢係咖哩角嚟，餡料係薯仔、青豆、洋蔥同印度香料等。咖哩角被各種配料完全覆蓋，可以話係印度版沙律🥗 辣度都頗為高，一啖食哂會食到香辣同甜味，好滋味😚素食人士啱食🥬
❤️ Butter Chicken $92食印度嘢點可以唔叫butter chicken🐔 醬汁用咗香料同蕃茄製成，辣中帶點甜，質地好creamy🌶 雞件分量都唔少，有用炭火燒過🙊
❤️ Veg Pulao $48
Veg Pulao係印度炒飯，炒飯入面無肉，素食人士都啱食～佢落咗薑黃去炒，炒得乾身。薑黃經常喺印度菜出現，薑黃具抗養化功效，多吃無妨👀 米粒呈長條形，口感偏軟，粒粒分明。配埋Butter Chicken食就最啱👏🏻
❤️ Paratha $34
平時食印度嘢都係食naan多，今次想轉吓口味叫千層餅🫓 千層餅比naan更薄身，酥軟彈牙，有食酥皮嘅感覺，富層次感，有一定嘅油份先可以做到呢種口感，個人覺得口感有啲似食蔥油餅！喺北印度，佢哋會當Paratha係早餐咁食，會配搭yogurt同pickles，佢哋有時午餐或晚餐都會食Paratha㗎！我叫呢個係用嚟配Butter Chicken食，都相當夾！😽❤️ Mango Lassi $37 & Indian Masala Tea $29
呢度嘅Mango Lassi 乳酪味較重，偏甜，唔會太過竭！芒果味香濃🥭Indian Masala Tea即係混合各種香料嘅香料茶，佢嘅肉桂味同薑味都幾出，香料味唔會話太重，可能因為奶嘅比例較多。飲落似港式奶茶咁順滑，可以一試！😎
餐廳推薦度：⭐️⭐️⭐️⭐️✨ (4.5/5)
呢間cp值好高，價錢同分量都超值，食完真係飽到上心口🤰🏻 店員都好熱情款待，仲會同我哋傾吓偈，服務親切🙆🏻♀️
補返其他menu👇🏻
张贴
