Green Orange

黎到上環一間樓上西餐廳食晚飯，環境清靜好舒服。揀選咗一個二人套餐，有前菜、沙律、餐湯 、主菜和甜品，非常豐富！

烤蜜糖啤梨伴巴馬火腿沙律
新鮮沙律菜配上清甜烤蜜糖啤梨，清新可口，還有巴馬火腿伴有芝士片，令沙律好有層次感！

黑松露蟹肉多士
香脆多士上，放滿香濃黑松露醬配鮮味蟹肉，味道好夾，滋味無窮！

海鮮湯
濃濃海鮮味，湯裡放有一隻新鮮大青口，令海鮮湯更加鮮甜！

慢煮阿根廷紅蝦羽衣甘藍香草意大利麵
有四隻阿根廷紅蝦，鮮甜美味，意大利麵用羽衣甘藍香草醬汁烹煮，味道好特別！

10oz美國頂級西冷牛扒
西冷牛扒五成熟剛剛好, 牛肉味濃，肉質鮮嫩！

焙茶焦糖燉蛋
焦糖下面係濃濃茶香味嘅燉蛋，香滑味美，令人回味！