影片
更多
2021-10-08
59 浏览
正宗上海菜，特別推介魚湯！琴晚出咗糧想食餐好。於是搵吓大角咀有咩食（大角咀出名多特色餐廳😋），上OpenRice搵到呢間餐廳，出名食上海菜。立即約埋朋友食餐好嘅。我同朋友6:30pm去到，已經開始坐滿，好彩我哋得兩個都仲有位。餐廳室內座位坐得好舒服，最欣賞係有長枱適合一家大細，細枱適合二人家庭。因為難得約到食上海菜，當然係想同朋友坐得舒舒服服，自己一台咁食啦。餐廳員工好有禮貌，好Nice！ 試諗吓大家放咗工好攰，但入到餐廳受到歡迎，係好開心嘅事。服務態度真係好重要， 比個Like！入返正題，講返菜式。打開餐牌，我同朋友都揀咗好耐，因為太多嘢想食。由小菜到鮮魚湯，樣樣都想叫。😂最後我哋要咗：太白醉雞：本以為醉雞冇乜特別。點知放喺口入邊，令我喜出望外。除咗有花雕酒嘅味道，仲有一陣清新講唔出係咩嘅感覺。細問職員之下，先知原來係佢哋自家製嘅桂花醉雞讓酒。我都估唔到呢個會係我首先好想同大家分享嘅，大家真係要試吓呢一味。五香牛展：我好欣賞牛展係切得好薄，食落唔會有渣，其實都好考刀工，有時除咗味道，食物嘅質感都好重要。牛展嘅厚薄適中非常好。菜飯：點解我都會想介紹吓菜飯呢？因為佢唔係純粹白飯撈啲菜粒入
琴晚出咗糧想食餐好。於是搵吓大角咀有咩食（大角咀出名多特色餐廳😋），上OpenRice搵到呢間餐廳，出名食上海菜。立即約埋朋友食餐好嘅。
我同朋友6:30pm去到，已經開始坐滿，好彩我哋得兩個都仲有位。餐廳室內座位坐得好舒服，最欣賞係有長枱適合一家大細，細枱適合二人家庭。因為難得約到食上海菜，當然係想同朋友坐得舒舒服服，自己一台咁食啦。餐廳員工好有禮貌，好Nice！ 試諗吓大家放咗工好攰，但入到餐廳受到歡迎，係好開心嘅事。服務態度真係好重要， 比個Like！
入返正題，講返菜式。打開餐牌，我同朋友都揀咗好耐，因為太多嘢想食。由小菜到鮮魚湯，樣樣都想叫。😂最後我哋要咗：
太白醉雞：本以為醉雞冇乜特別。點知放喺口入邊，令我喜出望外。除咗有花雕酒嘅味道，仲有一陣清新講唔出係咩嘅感覺。細問職員之下，先知原來係佢哋自家製嘅桂花醉雞讓酒。我都估唔到呢個會係我首先好想同大家分享嘅，大家真係要試吓呢一味。
五香牛展：我好欣賞牛展係切得好薄，食落唔會有渣，其實都好考刀工，有時除咗味道，食物嘅質感都好重要。牛展嘅厚薄適中非常好。
菜飯：點解我都會想介紹吓菜飯呢？因為佢唔係純粹白飯撈啲菜粒入去，而係啲飯有啲菜味。鍾意食菜飯嘅人就會明我呢句講咩啦！
揀湯方面，真係揀咗好耐。因為有好多款式都想試。然後我聽到其他枱都係叫蘿蔔絲鰂魚湯，咁我都跟住叫下啦！點知賣晒！😱睇嚟魚湯真係好受歡迎！未夠7:00已經賣晒啦！其實都合理，因為堂食同外賣都好多人叫，而且餐廳話唔想用唔新鮮嘅食材整食物，所以每日都有限量，賣完就冇㗎啦。🥲🥲結果我哋嗌左另一個都係出名嘅：老家魚頭湯😍😍💐
本身我唔想飲魚頭湯因為怕太腥，但我朋友真係好想飲魚湯所以就揀呢個。 同樣係好值得推介嘅魚湯。冇我想像中嘅魚腥味同無泥味。
全因為佢哋用咗薑米 （生薑設成一粒粒），而且係冇加入味精，純天然魚湯，好圓滿咁令到個魚湯成為正宗老家魚頭湯！Perfect ！
我下次會帶埋屋企人嚟試埋其他菜式！😍😍😁
张贴
