影片
更多
2009-02-04
5 浏览
sheep:是日假期前夕, 天寒地凍, 我同mui原先係特登去佐敦試八王子拉麵, 諗住係咁凍冰冰既天氣下享受一碗熱騰騰既拉麵, 點知...........竟然撞正佢休店, 我同mui兩人都呆左, 係六神無主既情形之下, 回想起一路由佐敦道行黎既時候, 有一間上海小店好似幾吸引, 於是就係咁撞左入去.店內十分簡陃, 感覺上老實說唔算得上舒服, 亦唔算美心大家樂式既光潔雪白, 只係十分簡單既小檯摺凳, 幾張一睇就知用左好耐既過膠餐單, 一兩個走來走去既待應/老闆娘, 典型既小店感覺. 坐底後我叫左一個無錫骨麵, mui要左一碗酸辣麵, 另外我地再要一客煎餃子.首先上場既係一碟無錫骨, 我和mui都覺得味道同肉質都幾好, 一碟四舊真係有少少唔夠喉, 不過問題係....我碗麵呢? 之後再黎係餃子, 之後酸辣麵同我碗麵終於出現. 上海麵既麵質都唔錯, 麵上有十分大量既雪菜, 我深信如果有人唔食雪菜又唔記得叫走雪菜, 係無可能挾得晒走, 當然相反而言對鍾意雪菜既人, 會係加分之作.mui叫既酸辣麵, 賣相同我地係台南食既神秘酸辣麵有八成相似, 一樣係湯底顏色偏淺, 味道方面則偏甜偏酸, 反而辣味不
是日假期前夕, 天寒地凍, 我同mui原先係特登去佐敦試八王子拉麵, 諗住係咁凍冰冰既天氣下享受一碗熱騰騰既拉麵, 點知...........竟然撞正佢休店, 我同mui兩人都呆左, 係六神無主既情形之下, 回想起一路由佐敦道行黎既時候, 有一間上海小店好似幾吸引, 於是就係咁撞左入去.
店內十分簡陃, 感覺上老實說唔算得上舒服, 亦唔算美心大家樂式既光潔雪白, 只係十分簡單既小檯摺凳, 幾張一睇就知用左好耐既過膠餐單, 一兩個走來走去既待應/老闆娘, 典型既小店感覺. 坐底後我叫左一個無錫骨麵, mui要左一碗酸辣麵, 另外我地再要一客煎餃子.
首先上場既係一碟無錫骨, 我和mui都覺得味道同肉質都幾好, 一碟四舊真係有少少唔夠喉, 不過問題係....我碗麵呢? 之後再黎係餃子, 之後酸辣麵同我碗麵終於出現. 上海麵既麵質都唔錯, 麵上有十分大量既雪菜, 我深信如果有人唔食雪菜又唔記得叫走雪菜, 係無可能挾得晒走, 當然相反而言對鍾意雪菜既人, 會係加分之作.
mui叫既酸辣麵, 賣相同我地係台南食既神秘酸辣麵有八成相似, 一樣係湯底顏色偏淺, 味道方面則偏甜偏酸, 反而辣味不重.
煎餃方面, 韮菜味的確係比較搶, 但係總而言之都幾好味, 不至於唔見左隻豬.
食完三樣食物, 突然我地發現一樣好重要既問題, 就係我地唔記得噤錢! 經過一輪既大搜查, 好彩最後都夠, 而且仲發現有淨添, 所以就encore多一個北京餡餅. 北京餡餅其實係一個大size既煎餃, 只不過外層變左, mui同我覺得如果坐低食就會叫煎餃, 拎走就會要餡餅.
臨走見到隔離檯既豆沙窩餅好似好吸引, 返到屋企上openrice原來都有人推介, 下次有機會一定要再戰唯珍!
张贴
