上海老家 (已結業)

平時好少去大角咀食野，今次同朋友行完奧海城黎左試試呢間上海野。花膠燉蟲草花湯原來like餐廳社交平台就有得送呢個湯，同朋友一人一盅。個湯都幾足料，有一塊花膠、雞腳同豬肉。蟲草花份量都多，湯好清唔味精，免費黎講真係幾高質。欖菜肉碎炒飯炒得幾有鑊氣，欖菜冇乜特別嘅口感，但係成個炒飯嘅調味幾好唔會過咸，又唔算多油，好啱用黎配小菜食。炸饅頭配煉奶呢樣好難唔好食，食完所有食物最後食饅頭，都仲係熱辣辣，加埋煉奶冇得頂。兩個小菜夠鑊氣，偏油，不過上海野好似都係咁。