影片
更多
2022-07-03
1794 浏览
港島區一向都有好多美食，今日晏晝心血來潮，想食中菜，於是同朋友約左喺中環shopping，打算掃完貨之後就出發去覓食😜 我地去完歌賦街一間小店買布丁做飯後甜品之後，就路經呢間名為「上海弄堂菜肉餛飩」既餐廳，睇完餐牌之後我地就決定入去試菜。餐廳內部幾寬敞，設有不少座位，亦有唔少堯富上海特色既擺設同埋畫報，裝潢設計滲透出古典韻味～我地進入店內，店員就為我地安排左一張小圓枱，枱上放置左醬料、紙巾、牙籤同埋餐具。餐牌方面，分開左午市套餐同埋一人套餐，主食、前菜、飲品等等都包括在內，簡潔俐落。不過可能因為係中式餐廳既關係，佢地既一人套餐餐牌只有中文。細閱餐牌之後，我地決定點一個超值一人套餐同埋一個午市套餐。超值一人套餐包括餐湯、特色涼菜、主菜、主食同埋一杯飲品，真係好抵食。酸辣湯 🥣🌶餐湯方面，我地揀左套餐招牌嘅酸辣湯。酸辣湯用料十足，有木耳、冬菇絲、腐竹等食材。酸辣味道適中，唔算好辣，酸酸地幾開胃。鎮江肴肉(3片)🥓涼菜方面，我地揀左鎮江肴肉。平日真係好少會食到呢種特色小食，所以一見到就立即落單。半啫喱狀嘅肴肉層次感豐富，一層啫喱一層肉，佢既肉質結實，肉味濃郁。除左就咁試佢既原汁原味之外，我地
我地去完歌賦街一間小店買布丁做飯後甜品之後，就路經呢間名為「上海弄堂菜肉餛飩」既餐廳，睇完餐牌之後我地就決定入去試菜。
餐廳內部幾寬敞，設有不少座位，亦有唔少堯富上海特色既擺設同埋畫報，裝潢設計滲透出古典韻味～
我地進入店內，店員就為我地安排左一張小圓枱，枱上放置左醬料、紙巾、牙籤同埋餐具。
餐牌方面，分開左午市套餐同埋一人套餐，主食、前菜、飲品等等都包括在內，簡潔俐落。不過可能因為係中式餐廳既關係，佢地既一人套餐餐牌只有中文。
細閱餐牌之後，我地決定點一個超值一人套餐同埋一個午市套餐。超值一人套餐包括餐湯、特色涼菜、主菜、主食同埋一杯飲品，真係好抵食。
酸辣湯 🥣🌶
餐湯方面，我地揀左套餐招牌嘅酸辣湯。酸辣湯用料十足，有木耳、冬菇絲、腐竹等食材。酸辣味道適中，唔算好辣，酸酸地幾開胃。
鎮江肴肉(3片)🥓涼菜方面，我地揀左鎮江肴肉。平日真係好少會食到呢種特色小食，所以一見到就立即落單。
半啫喱狀嘅肴肉層次感豐富，一層啫喱一層肉，佢既肉質結實，肉味濃郁。除左就咁試佢既原汁原味之外，我地仲沾上少許鎮江香醋，提升佢既風味。
回鍋肉 🔥🥓🥗主菜方面我地揀左回鍋肉，呢道菜係朋友最中意既中菜。鑊氣十足既回鍋肉香氣撲鼻，半肥瘦肉加上青椒、椰菜同埋紅蘿蔔等等，爆炒一輪之後非常惹味。
我地都好中意佢爽口彈牙嘅豬皮，雖然肉片大多數都係半肥瘦肉，但爆炒完既肉片肥而不膩。整體黎講帶點辛辣，但怕辣既我地都接受到。
擔擔麵(另加$8) 🍜🌶
擔擔麵湯底十分濃厚，面頭鋪左一撮花生粒、肉碎同埋蔥花，睇落已經好吸睛。大廚選用既上海麵好掛湯，每一口都品嘗到香辣稠密既湯汁，愈辣愈過癮～😋
上海紅燒牛肉 $68至於午市套餐方面，我哋點咗一道上海紅燒牛肉配招牌擔擔麵，餐飲方面就點左一杯凍豆漿。
紅燒牛腩香滑細嫩，一啲都唔羶。佢既肉質非常腍，冇咩肥膏同牛筋。另外，用黎調味既白蘿蔔入味又多汁，帶有濃郁既牛肉香氣，好適合配白飯。呢一餐真係好滿足，連朋友都大讚好味～店員態度親切有禮，而餐廳食物質素都唔錯 😋 我打算再同其他朋友去食多次 🍜🥓
张贴
