影片
更多
2021-09-02
11013 浏览
上次Staycation食完早午餐Buffet之後就計劃要去多次試埋個晚餐，Staycation package相差$400就將2人Lunch Buffet升級做Dinner Buffet，其實算抵，但要睇下有咩分別。.酒店安排第一輪用餐（5:30-7:30pm）想轉第二輪（8-10pm）都排唔到waiting list。食物大致同午餐差唔多，凍海鮮多左龍蝦同麵包蟹，好多膏！可惜都係無生蠔。刺身有六款，師傅都厚切同比幾件，絕不吝嗇，生蝦仲有好多藍色既蝦籽，真係第一次見，食落無味道。即整沙律以及自製沙律外，當然有上次推介過的煙三文魚，晚市仲多左個地方有多款芝士及火腿。熱食主菜無乜驚喜，中西環球美食同午市差唔多。無左鐵板燒，變左黎巴嫩串燒。見到有個即煎鴨肝多士，多士脆卜卜，鴨肝入口溶化，好食但邪惡！仲有個新發現係燴茄子，但食落就一般。甜品有即製芒果拿破崙幾酥脆，其他蛋糕無咩特別。12款雪糕依然好吸引，不過今次裝落碗到我手已經溶左半…咩料呀。今次食左港式奶茶，Tiramisu同開心果，好食。.同午市相比，食物選擇唔算多好多，但有較能回本的凍蝦，凍蟹，鵝肝等。但整體感覺無上次Lunch buf
.
酒店安排第一輪用餐（5:30-7:30pm）想轉第二輪（8-10pm）都排唔到waiting list。
食物大致同午餐差唔多，凍海鮮多左龍蝦同麵包蟹，好多膏！可惜都係無生蠔。
刺身有六款，師傅都厚切同比幾件，絕不吝嗇，生蝦仲有好多藍色既蝦籽，真係第一次見，食落無味道。
即整沙律以及自製沙律外，當然有上次推介過的煙三文魚，晚市仲多左個地方有多款芝士及火腿。
熱食主菜無乜驚喜，中西環球美食同午市差唔多。無左鐵板燒，變左黎巴嫩串燒。
見到有個即煎鴨肝多士，多士脆卜卜，鴨肝入口溶化，好食但邪惡！仲有個新發現係燴茄子，但食落就一般。
甜品有即製芒果拿破崙幾酥脆，其他蛋糕無咩特別。12款雪糕依然好吸引，不過今次裝落碗到我手已經溶左半…咩料呀。今次食左港式奶茶，Tiramisu同開心果，好食。
.
同午市相比，食物選擇唔算多好多，但有較能回本的凍蝦，凍蟹，鵝肝等。但整體感覺無上次Lunch buffet咁正。
张贴
