湯煲私房火鍋 (已結業)

今晚放工約了朋友去了一個環境唔錯嘅地方品嘗了一餐唔錯嘅美食，平時可能會在中環個邊搵食，但今晚因朋友訂了位，相約一起過多一個站出，餐廳位置方便易搵，在德輔道中與永樂街入口位置之間，但要留意升降機有單雙層之分，不要入錯！這裡主打打邊爐，而因疫情關係枱面亦做足保護，所有餐具都有用保鮮紙蓋住，客人用嘅時間再自行打開，咁就食得放心！今晚點了個椰子雞煲，等了一會，香噴噴嘅椰子雞煲湯底上枱，湯底是用椰青水加埋清遠雞件配搭而成，加埋沙薑同青檸，雞肉肉質嫩滑軟熟，湯底亦十分清新，當湯飲了幾碗，十分滋潤！而另外個醬料內嘅蝦醬經推介！味道濃郁十分香之餘還夠晒口味，配埋個雞入口正！除此之外還點了份牛丸，用上鮮牛肉手打出，肉質夠晒彈牙，牛肉味濃郁！墨魚滑亦十分爽彈，加埋個蝦醬味道更佳！最後加埋個大光麵，放在湯底內滾，麵條煙韌彈牙爽口，十分滿足，有時行遠啲又有新發現！