玄鮨 (已結業)

銅鑼灣Cubus 7樓玄鮨，係modern Japanese cuisine。Sashimi set lunch $330，刺身新鮮之餘種類又多，每件刺身都鮮美而冇腥味，醬油都不一定要點。粉紅色既拖羅肉質細膩，口感軟滑，真係好正！Sanshokudon set $420，海膽、三文魚籽同拖羅蓉既三色丼同樣係極吸引。海膽鮮甜，質感細膩，幾乎入口即溶。香蔥吞拿魚腩蓉細滑無筋，軟棉棉帶有魚脂香。三文魚籽大大粒又晶瑩通透，超鮮甜，超潤，超爆汁。而米飯加了酸醋，非常開胃，撈均後啖啖飯都充滿海鮮既鮮甜味。set仲配左冷烏冬/蕎麥麵，有冷熱可以揀。另外其他前菜、麵豉湯、日式蒸蛋及甜品亦很不錯！