香港蒸品 (已結業)

今晚要放工去睇波，局住留喺新世紀晚飯。雖然旺角係好多野食，但係每次去到新世紀呢邊，就冇咩選擇，因為喺旺角新世紀嘅多數係連鎖，食都食到厭，然後多數會去左food court。今晚都係，巡左一個圈，最後一站就係香港蒸品，上次都見過賣相唔錯，今次就決定食。有成十幾個餸比人揀，仲有油脾㖭。全部都分好哂幾得意，又唔會大細超。我揀左三餸，魚香茄子，咕嚕肉，蒸蛋。三餸一湯一飯都係45蚊，係幾抵，份量都唔細。兩餸一飯一湯就$38，但大部人都係叫三餸。味道都正常，三碟之中最好食就係茄子，送飯一流。呢一間food court 餐廳算係呢度最好食。留意返，呢個食代館啲餐全部只包湯唔包飲品，飲品要另外買。