食完先知內有乾坤!
朋友一早就BOOK左枱(記住如果多人, 一定要先BOOK 枱, 因為座位數目唔多)
嗰日仲要3號風球, 小妹一路返工, 一路祈求唔好掛8號!
十分古式既門面
小妹一行7人, 被安排坐一張枱 (如果2-3人, 有機會會搭枱)
餐牌-真係花多眼亂!
1
其中一個特色就係牆上既餐牌
最後叫左9 個餸
豆豉鯪魚油麥菜: 朋友叫呢個菜, 本來我都冇咩期望, 點知反而有驚喜! 菜一D都唔油膩, 好夠鑊氣
美極鴨下巴: 味道都好惹味, 有8隻, 岩岩好夠分, 我仲食多左隻
豬雜蝴蝶腩煲: 重點推介
D 蝴蝶腩 同豬雜好入味! 仲有等小妹比個貼士大家: 一定要問佢拎辣椒醬 
雖然要368! 但食完都覺得值回票價!
重慶麻辣鮮生腸: 生腸好爽脆, 配合埋個麻辣汁, 好夾!
蠔爽: 呢一個係小妹另一個既推介! 蠔夠大粒, 好香口, 一定要連蔥食!
涼伴花蛤: 呢個就正正常常
避風塘茄子: 呢碟配啤酒一流!炸香既蒜茸同茄子出奇地夾
寫到呢度, 大家一定覺得好奇怪, 又話9個餸 , 點解得7張相?
是咁的.... 小妹唔記得影"生炒骨"
, 呢個都係小妹既推介! 外脆內軟! D 汁既酸味岩岩好! 我最怕食好酸既生炒骨, 岩哂我口味! 最後一樣餸就係蠔爽!!!!! 我既朋友忍唔住要叫多碟
可想而知, 有幾好食!!!就係咁小妹既三號風球下的珠江, 就有個完美既句號
