珠江酒家

職員推介蝴蝶腩煲，說是最受歡迎的菜式，我們點了中煲，肉量不少，煲底墊有蘿白薄片。大家品嚐過後都說沒有肉味，我用匙羹取了點湯汁試試，除了重胡椒味、也沒有肉汁或濃湯汁味。…查看更多

一位大哥提問：要菜乾豬肺湯，還是胡椒豬肚湯數美女齊回應：Why not both當晚女生比男生多，就這樣前前後後點了十多道菜，熱閙開心氣氛由頭帶到尾，每碟菜也吃清光，戰鬥力強頑。以前不太熱衷麻甩食肆，今次發覺其實間中麻甩一下，甚是過癮！況且香港麻甩兼老式飯店已所剩無幾，就如剛過世、有香港「詞聖」盧國沾一首名作 「每當變幻時」的歌詞 — 「常見紅日照東方，每當變夕陽，便知時光去。」！珍惜麻甩～ 珍惜重口味～鑊氣猛，不一會金沙墨魚咀 HK$138 便沿樓梯送上一樓。焦香、脆爽與重口味的金沙墨魚咀，至合大家啤一啤！另一裹上漿粉、細細粒的潮州蠔爽 HK$148，配合香蔥，外微脆、內軟滑，感覺就是爽！涼拌花蛤 HK$158 香辣惹味，加上花蛤的熟度剛好，入口爽嫩彈的質感，水準非常不錯！不得不花時間慢慢嗒的美極鴨下巴 HK$108，味道極為濃厚，令味蕾進入沉溺的狀態！豬雜蝴蝶腩煲 HK$338 的吸引力不光在於蝴蝶腩身上，還有大家不停在尋寶的豬雜，難得兩者也新鮮好吃！Why not both 後，菜乾豬肺湯 HK$118 和潮州胡椒豬肚湯 HK$118 同時出場。個人較喜歡菜乾豬腩湯，超多的菜乾，令人十分滿足！大大一窩才百多元的定價，感覺超值！個人認為這一道預訂的蒜芯炒雞雜是當晚的主角。讓老闆預留了三副新鮮雞雜，雞雜無庸置疑的鮮爽與惹味度足的蒜芯，的確是很難拒絕的邪惡，好吃！非常滋補又抵吃的的花雕醉雞煲 HK$248 (一隻雞），如今補身又何必分春夏秋冬！豬雜配胡蝶腩還未夠，再來豬肺跟胡蝶腩 ，老是離不開內臟與肉肉，只好叫大家齊齊豁出去！正當要豁出去的時候，竟然會有一道如斯清新的鮮淮山西芹炒藕片 HK$108 來到面前。原來餐牌上也有幾道健康與小清新的蔬菜可供挑選。不局限於千遍一律的邪惡，讚！超大件或超大粒的豬油渣呀！油渣豉油王炒麵 HK$118 太好吃了，吃完再說！意想不到的甜品！原來潮陽來不及 HK$78 是炸香蕉，記得多沾碟底的糖漿，效果是美味極了！已交由第二代接手，聽說地方相對以前整潔了，菜式味道亦略有調整，唯不變的，依舊是享受香港麻甩風味的好地方！…查看更多

今次應該第7、8次食，之前都覺得鹹，但唔會鹹到唔想食。平時唔食飯既我嗌左2碗飯黎撈黎食，如果唔係真係食唔落.. 佢唔係難食，煮得好好嫁 係唔明點解要鹹到咁，好似d鹽唔駛錢咁😂😂😂以後唔會再幫襯，唔想晒錢睇醫生…查看更多

朋友話一定要嚟呢度食，不要計較環境、服務，最緊要係鑊氣同食物，早已聽聞過只係沒有太大勇氣，同埋要人多先至可以食到，每碟份量都幾多下，結果大家都滿意，覺得係可以再翻兜，唔係環境衛生惡劣，只係格局破舊咁解🫡———————————————————————————.🥢美極魚尖🐟💬魚尖即係魚鮫，最好食嘅位置，煎到好香脆，非常之乾身，美極鮮味唔駛多解釋，一人一件過最好不過🫡.🥢枝竹半腩煲🍲💬超級足料一眼都睇到，羊腩非常腍滑入味，醬汁又夠濃郁，枝竹都入晒味，真材實料有水準🫡.🥢欖菜四季豆鮮魷🦑💬鮮魷又粗又爽，份量亦唔少，欖菜四季豆炒到剛好，同樣係爽口唔腍無過龍🫡.🥢金沙黃金魷魚🦑💬見到魷魚咁厚實，叫多碟黃金炸魷魚要嚟佐酒食。一粒粒原粒炸，想像到一隻魷魚本身有幾大隻，先至有咁大粒，真心勁🫡.🥢潮陽來不及🍌💬唔叫唔知有段古，原來係炸香蕉🍌加埋糖冬瓜一齊炸。因為相傳有戶人家請客唔夠餸，去再添食材恐怕「來不及」，於是乎隨手攞起掛住嘅香蕉🍌去炸，居然變成家鄉名菜，實在學到嘢🫡…查看更多

啲嘢食超鹽 ；食材好差 ；中秋飯局畀佢破壞晒； 同埋佢嘅價錢唔屬於平 ；應該要畀返啲好質素人；要去第二間舖頭做節， 經過第二間舖頭去買飲品同個老闆傾開； 原來佢轉咗手； 唔怪得知啲質素差咗咁多； 因為我很耐之前食過係好味道；所以回頭吃返點知咁就出咗事😔 奉勸各位去食要諗清楚；服務超差。…查看更多

我很喜歡一些舊式的小店，雖然地方未必太舒適，但小菜通常夠鑊氣，多味道，也夠份量。這間珠江酒家也算是我其中一家喜好之地。潮州胡椒豬肚湯豬肚冇怪味，胡椒適中，咸菜也不會太濃，不錯的湯品金沙黃金墨魚嘴重口之選，金沙夠薄夠乾身，不像很多地方全碟油，香口爽脆蠔爽聽說是招牌菜，蠔一點也不腥，也不覺得太咸，不過缺點是要趁熱食，凍了味道差很多涼拌花甲擺盤精緻，青瓜托底，帶有少少酸味，夏天開胃一流美極鴨下巴全晚最愛，一上枱已全是美極鮮香，下巴多大隻，夠入味，送酒推介川式蝴蝶腩魚麵全晚唯一較為失色的一味，蝴蝶腩用了豬肉，可惜有點靭和唔入味，變咗湯渣feel，魚麵口感幾有趣，可惜都係唔夠味，加上川式湯底唔夠辣，失色潮陽來不及非常詩意的名字，店裡唯一甜品，類似拔絲香蕉，唔算太甜，熱熱地，都可以…查看更多

餐廳有兩層，舊式小店，難得搵到出面少有嘅菜式，有啲驚喜，今晚6人，食到捧住個肚走，人均消費都只係$200有找，雖然整體味道偏濃、鹹，但真心抵食。本身想叫脆皮雞，當晚冇貨，原來啲雞係要自然風乾，天氣潮濕就冇得食啦。於是叫咗京都骨，有啲驚喜，洋蔥好食，個豬骨醃得好入味，醃料嘅味道同出面唔同，都好大嚿吓，仲以為一碟細細，份量係估唔到嘅大炸九肚魚，魚肉好滑。粉漿好脆口，不過都幾鹹吓，忍唔住要飲可樂沖下口呢個蝴蝶腩煲，中size, 咁大煲都係二百幾蚊！出面好少有豬腩食，呢個豬腩又腍身，筋位有咬口，唔肥膩，煲底有蘿蔔片，再加埋個胡椒湯底，係牛腩煲嘅豬版本，咁大個女第一次食，蝴蝶腩原來是咁的。芥末牛柳粒，青瓜吸晒啲肉味，幾脆幾好食。牛柳係夠嫩，大排檔風味。見到差唔多台台都叫嘅蠔爽，我哋都有叫返碟。啲蠔一粒粒，好多蠔呀，係不惜工本嘅好多，蠔迷大滿足系列。鍾意食清淡嘅我都係嗰句，幾鹹吓呢個堅係雜菜粉絲煲，清一色青菜加粉絲，絕無其他蝦米冬菇嘅配料。估唔到出奇地好食，啲青菜好似有豬油炒過嘅香氣，但又唔會有油，清清地。青菜真係好夠嫩，冇渣菜。雜菜煲上嘅時候全台人已經飽咁滯，最後都清晒。係我食過最好味嘅雜菜煲，估唔到清心寡欲嘅雜菜煲咁好食，係今晚我最鍾意嘅第一名。豉油王炒麵，估唔到係用粗嘅雲吞麵底炒嘅豬油渣炒麵，好香噴噴，完全搶晒豉油味。但係都幾油膩下。其實叫佢做豬油渣炒麵更貼切今晚帶返個胃空間有限，希望下次再嚟食潮陽來不及、涼拌花甲、鵝腸。…查看更多

點咗三個菜丶等咗一個鐘出咗一個、搵店員問先知道吾會話俾你聽幾時出菜、出送餸嘅機率係隨機周圍派、等左咁耐時間跟住話另外嗰兩個唔要啦丶只係親自試咗個唯一一個餸豪爽丶味道已經係咸到食到嘔出嚟丶吾知個廚師今日係咪賭馬輸咗心情吾好丶大家如果要去食嘅話要有心理食好耐（等出餸）丶地方細丶基本上要搭枱根據同抬嘅朋友說、其他餸都係好鹹丶總之就係中伏俾佢賣的廣告吸引咗、個位又隔涉無得泊車丶店員嘅服務態度，亦都唔好老皮丶大家慎重選擇…查看更多

晚飯時候，經過這間街坊中菜小館，決定入去一試，首先叫了凍花甲，一試非常非常鹹，跟著點了他們說招牌菜蠔爽，這個豪爽亦是超級超級鹹，簡直無法入口，只是吃了一两口，就埋單$300 ，以後都不會光顧，怕怕！…查看更多

約咗朋友係太子搵野食，諗起附近有間舊食店就想試一次。點知係大伏2位無訂枱，大約等咗30分鐘就入坐。坐底咗叫支啤叫咗蠔爽，黃金墨魚嘴，召C付通。跟住就係漫長既等待。明顯廚房冧檔出唔切餐，周圍好多枱都等到開始燥燥地。45分鐘後終於上餐。蠔爽同墨魚嘴一齊上。點知一放入口......好似鹽當糖咁落。係咸到口苦個隻，叫多支啤都頂唔順。同枱另一枱客都係咁講。同老闆娘講真係入唔到就取消咗墨魚嘴。菜同蠔爽都係咸到7彩，兩碟食咗3分1都無就食唔到埋單走。$300裝潢保持70年代，情懷都唔使咁咸呀總結10個伏…查看更多

今餐同朋友們食左間好外表好平實嘅酒家 - 珠江酒家門面有點老派簡單，店入面都係簡單的佈局，上下兩層但檯數不多。店內牆身貼滿菜式名，重點係手寫嘅，好有特色。今晚人多少少，可以叫多幾個餸。胡椒豬肚湯豬肚咸菜等十分足料，一鍋7-8個人分都一人兩小碗以上，味道不錯，胡椒可以再多少少。潮州蠔爽第一次食蠔爽，其實好似椒鹽造法嘅蠔仔，食落十分香口，好啱用呢送酒。涼拌花甲主要以由蒜同黑醋調味，花甲份量多而新鮮，食落幾開胃。花甲下面有青瓜，食落好青爽。金沙黃金魷魚全餐飯最有驚喜就係呢個！一上檯以為送錯炸豆腐，原來係激厚嘅魷魚，外脆內嫩，咬落唔韌，配埋個咸蛋黃簡直一絕！不過食嘅時間小心燙口。豉油皇鵝腸又係一個直得推介嘅一個菜，而家其他地方好難食到仲有咁肥美嘅鵝腸，食落唔膩，配埋喺底嘅芽菜，可謂一絕。椒鹽墨魚咀不過不失嘅椒鹽墨魚咀，不過炸粉微微偏多，而味道可以再濃咪少少，有啲被黃金鮮魷比下去。麵醬油渣四季豆抄四季豆正常發揮，但豬油渣未夠炸得夠，入口依然有點油膩，而調味唔知點解有點菠蘿甜味。(黑人問號)炸子雞味道不錯，皮脆，但肉質有點乾身，肉汁不足，相對比較平庸嘅一個菜式。潮陽來不及(甜品)呢個係脆炸香蕉加糖漿，材料比較簡單但都算係一個幾特色嘅熱甜品，而食嘅時間都係小心燙口。整體呢講，珠江係一間幾有質素嘅舊式酒家，有唔少潮州菜同粵菜嘅選擇，以今日呢餐人均唔洗二百呢講，出品有驚喜，值得再食！…查看更多

停留在六、七十年代裝修，店員年齡七十幾歲，就嚟消失嘅浸水式啤酒櫃，懷舊度十分滿分。蠔爽外脆內Juicy，薄粉漿加入魚露咸鮮，正豉油王鵝腸鵝腸新鮮，大豆芽爽口，但味道及外觀完全唔係豉油王勝瓜蝴蝶腩勝瓜已去表面硬皮，蝴蝶腩淋咬落慢慢滲出豬肉香味，正冰梅骨梅味唔濃反而密蜜糖味濃咗D，不過不失金沙墨魚咀金沙香皮脆、墨魚咀唔夠爽，但咸係超咸咸肉炒芥蘭咸肉本身已經好咸，加埋落個菜仲咸豉油皇炒麵有別於一般食開嘅，用咗粗鹼水麵，味道都係格格不入整體嚟講，幫襯完一次可能要約期做體檢，開始懷疑人生🤣🤣，碟餸菜份量算大碟，六個餸加個麵 及 5/6支啤酒，埋單一千零幾，一班朋友出街叫餸食飯，平極都要3幾百啦，人均消費兩舊，價錢超經濟。樓上環境嘈好嘈，(聽力測試) 唔好話同朋友傾偈，基乎連自己講嘢都聽唔到，(聲線測試)所以會不自覺地講得越來越大聲，(腎功能測試)食物一般都偏咸，個別餸菜超咸。…查看更多

8月中再次幫襯珠江酒家，上次幫襯已經幾年前。係一間有歷史嘅酒家，有兩層。當日我哋上一樓用餐，我哋叫咗家鄉蝴蝶腩煲，美極鴨下巴，金沙黃金鮮魷，涼拌花甲，生炒骨，避風塘豆腐，金銀蛋浸勝瓜，蠔仔粥。我最鍾意食蝴蝶腩煲，蝴蝶腩即係豬腩，肉質係比較瘦但夠唸身，配上胡椒湯底，食完一舊想再食多舊。蠔仔粥都好多蠔仔。鴨下巴我冇食到，不過同行朋友食得津津有味，係比較重口味嘅餸，陪酒一流。涼拌花甲比較辣。其他餸菜都夠鑊氣有水準的，而且價錢好平。呢餐平均每人都係二百幾。係位置坐得比較迫，同餐廳比較舊。…查看更多

天氣漸涼，又到食羊腩煲嘅時候！今次到港式小炒老店！🔸涼拌花甲花甲肉大大隻，配上涼拌醬汁酸酸甜甜十分開胃！🔸豉油王鵝腸新鮮鵝腸非常肥美，配上清爽芽菜！大排檔必叫！🔸椒鹽鴨下巴相比起鴨舌，鴨下巴較大，喜歡「有骨落地」嘅朋友必定要試！🔸枝竹羊腩煲羊腩一層層分明，有肥有瘦，炆得剛剛好！真材實料👍🏻總括🔹雖然小店環境不及一般連鎖餐廳，但充滿港式風情，小炒有鑊氣！…查看更多

好味指數😋😋😋回頭指數 ⭐️⭐️⭐️⭐️開心指數🤗🤗🤗同朋友食飯，佢哋話呢間經典又好食，的確，依家大行其道緊嘅都係以西餐或者打卡店為主，舊式酒家地方唔靚餐具殘舊，又真係好容易被淹沒響巨輪中，真係好期待！🍴潮州胡椒豬肚湯（$118/例）呢個真心好好飲，胡椒味好濃郁，加埋鹹菜，個湯奶白色，飲落去即刻感覺到個胃好暖，豬肚處理得好好，冇異味又好爽口。🍴金沙黃金墨魚咀（$138）呢個係經典肥死人系列，每粒墨魚咀都包住鹹蛋黃，炸到外面脆，入面煙煙韌韌，送酒一流！🍴XO 醬蝴蝶腩（$128）開頭以為係牛腩嘅朋友，原來係豬肉嚟㗎，點解叫蝴蝶腩呢？因為外型似蝴蝶，呢個部位每隻豬只有一塊，係連接兩邊肺葉及豬肚的部分。中間嘅筋膜好嫩滑，肥瘦啱啱好，不過我自己覺得個XO 醬唔係我鍾意嘅味～🍴冰梅金沙骨（$128）呢個係最失望嘅，金沙骨個味好好，不過肉質比較硬，亦都好難咬開，肉同骨好難分離，食到有少少攰。阿姐好好笑，本身叫一支啤酒，但佢開咗兩支，就要埋佢啦！雖然當中食物有丁丁失望嘅，不過我覺得呢D 咁懷舊嘅食肆已經越嚟越少，好多餸菜響其他地方都見唔到，我仲有好多嘢想試，會想再嚟食其他嘢同埋飲佢嘅湯！…查看更多