定食 Doraya (駱克道)

营业中

休息中

今日收工收早左少少，終於可以試下呢間長期人龍店喇。6點幾黎到大概等左15分鐘就有位。今次叫左個三色自選飯，可以自己揀想食既魚生，每個價錢同份量都寫得清清楚楚。我就揀左自己中意食既三文魚，甜蝦，同埋呢間店最出名既呑拿魚。呢度既呑拿魚都有好幾款，唔同級數價錢唔同，自己就揀左個平平地既藍鮨呑拿魚赤身試下。刺身果然新鮮，而且三文魚同呑拿魚都厚切，甜蝦都好爽口彈牙，實在唔錯。但個人覺得d飯太黏口，好濕變到好淋咁，酸味都有少少過重，有d酸。如果飯可以做得好d會更好。食物質素唔錯，唯店內實在太少位，難免有趕客既情況，而且服務員既態度亦麻麻。