鮮蝦芥末芒果沙律開胃又清新，芒果、火龍果、哈密瓜切粒混合芥末醬，酸甜中帶微辣，層次豐富。
脆皮滑豆腐外脆內嫩，口感一流。
米湯慢煮大元貝最令人驚喜，元貝蒸得剛好，咬落去大大隻有一疏疏層次感，米湯有米香但無米，似粥又唔係粥，好特別。
椒鹽鮮鮑魚香氣撲鼻，外層微脆，內裡彈牙，鮮味十足。
泰式糟池開邊龍蝦配香苗，龍蝦肉嫩多汁，糟池醬似泰式咖喱，一食就好似飛咗去泰國咁。
清炒荷塘上素用料豐富，蓮藕、冬菇、四季豆、百合、馬蹄等，炒得爽口又健康。
最後自家製乳酸柚子糕點，酸甜清爽，完美作結。
整體而言，環境舒服，坐室外環境好chill，都唔熱，幾大風，食物水準高，服務亦唔錯，絕對值得再訪！
