富臨飯店

营业中

休息中

人一世物一世，整隻鮑魚最實際！長輩生日。完全係一個好嘅藉口嚟試阿一鮑魚。咁啱迷你鮑魚鵝掌煲做緊特價，於是決定每人一煲。一分錢一分貨，日本三十幾頭吉品鮑size 其實都不少。一切開放入口，真想嗌一句「好好味嘅鮑魚啊！」。切開時黏刀，入口淋滑，做到真正嘅糖心feel。鮑魚汁濃度同味道剛剛好，不會搶鮑魚本身的味道。口腔仲回味緊鮑魚的味道時，珊瑚鴿蛋龍蝦球已經上枱。龍蝦肉鮮甜爽滑同鴿蛋較濃嘅蛋味非常配合。扇貝粉絲煲的粉絲炒得入味夠乾身。竹笙釀素卷清淡，中和返之前嗰幾道菜。富臨脆皮雞食得出係用新鮮雞炸。金菇瑤柱炆素麵清淡得來有瑤柱香，證明瑤柱有質素。紅豆沙上面加咗15年陳皮粉，有啲點石成金嘅效果。不過最欣賞嘅係紅豆沙裏面真的只有沙！所有豆衣都已經被隔走！杏仁茶的糖水分開上，非常貼心。另外一讚服務員的細心。係我哋言談間聽到今日係老人家慶祝生日，特別送上壽桃。