大喜家日本料理 (已結業)

朋友係黑洞胃黎，為咗填飽佢嘅無底洞，所以就決定約去食放題喇，之前係街見到呢間餐廳嘅易拉架寫住特價，決定挑戰下係咪平野無好野好彩Walk-in都唔洗等，可能因為係平日黎，不過都有唔少人，如果早啲到或者訂位嘅話，坐窗邊可以高空欣賞到街景添除咗紙上面列出嘅野食之外，仲可以行去自助沙律吧到拎沙律或者冷麵，飲品都要自己出去拎嫁，選擇有大路嘅鳥龍茶同汽水，仲有男人至愛嘅啤酒添，可以無限添飲都得～根據放題攻略所記載，食放題嘅首要任務係不停食刺身、刺身同刺身，切忌叫壽司或者係手卷呢啲多澱粉質嘅食物。第一輪就嗌咗三文魚、帶子、北寄貝、象拔蚌、馬刀貝、赤貝同油甘魚，其後再點多次三文魚同帶子第一輪嗌嘅三文魚係魚腩嘅部位黎，質感非常嫩滑，不過當時我唔知道係頭單先有，再番兜時先發現無咗魚腩!!! 另外帶子都有驚喜，事關幾乎每次嘅放題，帶子都係令人失望嘅，一係就超細舊或者薄切；一係就唔夠新鮮；再唔係就係帶子嘅柱子部份，但係呢到都算係原粒咁大，再片薄咗少少，不過味道好鮮，感覺好滿足雖然刺身就再無三文魚腩食喇，不過壽司就有火炙三文魚腩，所以就嗌咗兩舊黎試下，囗感真係超級嫩滑啊，而且表面用火輕輕燒熟，有微微嘅煙薰味，一