大里餐廳酒吧 (已結業)

依家疫情咁嚴重，呢個weekend都唔敢周圍去啊，行開屋企附近見到有間新開嘅西式餐廳，就諗住入去試下啦，一坐低見到出面原來有outdoor，見個天黑黑地都諗住冇乜機會，但照樣多口問一問店員，店員話冇落雨都可以，店員亦都不厭其煩咁，帶多我一次位😂😂🙇🏻午餐嘅選擇都算多，我就揀咗個煙三文魚意粉，見咁嘅環境，百零蚊食個意粉都算係咁啦，點知個意粉一黎到個份量我直頭覺得值回票價，自己睇相啦😂😂味道方面都算唔錯，唔會話太濕，又唔會話冇汁，啲煙三文魚又大大塊，個厨都幾重手，唔講以為係識個friend喺度做，加料嗰啲feel😂😂總括而言，咁抵食又有outdoor坐，下次一定返食啦🥳"