大里餐廳酒吧 (已結業)

估唔到食呢間2次定3次，但今次就嚇親我，本身都唔為意，但點知一見到就嚇親😵‍💫本身我同屋企人打算是但搵一間餐廳入去食下午茶啦，見到呢間上次食過唔算差，價錢又唔係話太貴，但入去食啦，入到去我哋如常坐低叫餐同餐飲啦，但點知一送餐飲嚟，噢，不太衛生，我屋企人一見到就即刻叫個服務員嚟啦，服務員一眼望見只係同我哋講咗句換過杯比你啦，就走咗去，我同屋企人就成餐飯食到膽戰心驚，好驚會又見到啲咩啦，快快脆脆食完就走啦，呢間野再無食過啦之後😵‍💫😵‍💫

同屋企人係上水四處找吃早餐的地方，行行下上左上水廣場5樓一間餐廳，由外面望入去就比呢間餐廳既聖誕裝飾吸引住。。然後就吸引左我地入去。。叫左個A1 吉列魚柳早餐，不得不讚一下魚柳，炸得很好，小炸粉，多魚肉 （魚柳相比起某大集團的餐廳大份一倍有多😂）。。沙律菜清甜，薯餅脆香，炒蛋也不錯。起初怕早餐細份，另外加左$12碗番茄通粉。先吃通粉，相中是我吃剩了的通粉，發覺吃完通粉已飽了一大半😂早餐好大份，價錢合理。

係內地辦完事後晚上回港後非常肚餓，一整天無時間食飯，諗住附近求其搵d野食。黎到上水廣場，好多餐廳都收左。鋪頭裡面無咩人，都無好大期望，見到餐牌上有安格斯牛扒，於是叫黎試下，叫5成熟。牛扒很大的一塊，雖然賣相不是很驚艷，但是一吃之下非常好吃！牛味非常濃郁，肉質嫩滑，而且很肥美，脂肪比例不俗，不會太油膩！安格斯牛扒質素完全超出預期，$200左右的質素黎講非常好☺️ 配菜的薯條係粗幼適中，質地較粉既薯條，正常發揮。除咗薯條，仲有西蘭花小粟米同蕃茄等等的雜菜，有心思，賣相都更好。有幾會經過附近會再黎食佢地牛扒☺️

服務員唔熟手 凍檸茶嗰啲走甜少甜 又冇分清楚先上枱又唔可以嗌嗰啲特色嘢飲 明明可以跟餐 有套餐價問嘅話又話 冇咗而家 咁擺出嚟做咩服務一般都算啦 -最緊要嘢食係超難食 我未食過咁難食嘅😅牛油果意粉 配軟殼蟹 $118意粉難食 一啲都唔煙韌 淋最緊要個牛油果醬 超大浸草青味 唔講以為我係隻羊 喺草原食緊草就係食緊草嘅味😅😅軟殼蟹超腥 第一次食軟殼蟹唔好食-仲有個燒春雞配薯蓉 $158 隔離啲配菜都唔好食雞肉肉質好鞋 唔明邊度值$158-我朋友食牛扒 靭到兩把刀都切唔開肉質差到 乾到一個點 -果然夜晚時間 得幾丁友係有原因😭大家真係要信 冇人食係有原因🤣唯一好食嘅係薯條同埋凍檸茶😉仲要連餐包同湯都等咗超耐先上😤明明已經冇生意 都咁耐😉不可一 不可再點解會有60幾個好評🤭

叫左個198既西冷牛排配薯蓉，我朋友就叫左全日早餐。上餐係全部亂比，要個客自己攞返自己啲野食落自己度。接著，5成熟既牛排，外層燶到咬都唔爛，牛排入面全部都係筋，切都切唔爛。南瓜湯成陣水味，入面既洋蔥粒係硬既，十分破壞口感。野食差都算，我朋友食到一半都未見有侍應攞刀比佢，叫左兩次先有比。結果比既時候雖然包左層紙巾，但係個侍應手指直接忽視紙巾篤攞刀身度比人，你叫我點敢用？然後黑色衣服帶眼鏡中年男侍應全程係度同人傾計，由廚房攞住舊嘢黎到樓面係度向同事大叫調笑：「我攞呢個比你做生日禮物！」全餐廳都聽到曬佢地係度玩。埋單既時候叫左一次，個黑色頭髮女性侍應係度玩手機，專心到呢。佢都未擰轉望一望就叫我地等陣先，之後一路等佢玩完手機，佢居然直接走左去做其他野。我再叫多一次，佢叫我地去門口埋單，但係其他客人就係直接收銀簿送到埋手。咩料啊？？黎到呢度都算數，我定多話下次唔黎。去到收銀台，奶茶色頭髮既收銀妹粒聲唔出一直係度禁收銀機，張單都唔比人睇一下直接話收幾多錢，500幾蚊一餐，我隻手已經遞左一千蚊比佢。佢先問我用咩付款方式，佢直接忽視左我隻手，我揚左兩嘢佢先慢悠悠咁禁收銀機，而唔係接錢。我隻手就咁樣舉住

早上11:11 落單兩個餐食早餐，但係11:36 先有第一個餐上。期間催促服務員，但係佢態度語氣極差，寸寸嘴話魚柳要炸，我問咁另一個餐呢，沒有魚柳要炸、佢唔出聲。食物質素極差，炒蛋太熟、奶茶沒有茶味、魚柳超級超級少肉、只有食到炸粉，非常失望，受氣又難食

最近經常去上水做嘢 等客期間去自私食住個tea先😋喺門口望入去幾開揚 仲有露天座位價錢又唔貴 仲唔駛加一添一於入去試下 但當日落雨，就冇坐露天，坐番喺室內啦▫️牛油果醬雞肉牛角包 $50原先以為沙律同薯條係2選1，但原來小朋友先會選擇，呢度兩樣俾晒你😍▪️心太軟配雪糕 $48雪糕有朱古力，雲呢拿，抹茶同海鹽揀，雪糕就真係要揀1款喇，今次要左抹茶，味道正常，但心太軟有啲失望，完全唔流心☹️餐廳人手夠，但有某位員工態度服務都一般，落單問下蛋糕有咩揀 答“蛋糕囉 藍莓呀 芝士嗰啲囉” 然後仲要走左去...叫番佢番嚟 仲要問“你要落呢個咩？”🙄🙄然後問雪糕有咩揀 又答唔出，要去問同事，其實4隻味都唔係好難記，咁都唔記得 有啲說不過去

01#菜單標1130-1400，事實係1200先可落單02#3個人到俾兩個杯你03#要求黑楜椒，俾支吉嘅我，我地反映餐廳知， 職員直接收走，no replacement 04#waiters and waitresses 企埋一邊閒聊，要叫幾次，但其實佢地有5-7位職員在樓面05#侍應生不用托盆直接用手送湯俾客人（這我不complaint， just shocked)06#上食物的餐具，10分漂亮07#兒童餐性價比極高，力推

父親節一家人開心食飯， 當時我叫左牛柳粒意粉，慢慢無想到食意粉裡有骨頭， 一咬啪一聲 牙齒酸痛 ， 牙都斷埋😭😭 我搵個經理 點知經理態度差 發生後連道歉都冇 只話搵返寫字樓打俾我 仲講返食牛柳有骨好正常😵‍💫😵‍💫 咁食漢堡飽 三文魚刺身 有骨都正常？ 最搞笑第二日問佢地你地為何無人打俾我 個經理聽電話仲要話唔係本人 話佢無返 客人因食物出事 就係這樣對待 ？ 好問心食物一般 唔值呢個價錢 😵‍💫 但仲要有甘既經歷 咁態度 真係食茶餐廳都更加好

最近我同朋友嚟到呢度食晚餐，點咗佢哋嘅美國穀飼安格斯肉眼牛扒 Set Dinner for 2，真係太正啦！佢哋嘅肉眼牛扒好大塊，加上啲汁嘅醬汁，味道好濃郁，質感亦好彈牙，每一口都好過癮。加埋佢哋嘅自家製薯條同埋新鮮嘅蔬菜沙律，真係一個完美嘅搭配。而家講返窩夫配雪糕，就更加係一個完美嘅結尾。窩夫香脆鬆軟，加埋雪糕同埋新鮮嘅水果，真係好好味，令我哋食完嘢之後都好滿足。

太耐無上嚟行，發現改頭換面多咗好多新餐廳。行到黎望一望下午茶餐牌 ，價錢啱餐名改得夠新😛 咁就吸引左入去。 叫左個野箘汁燴牛仔柳飯 包一杯熱飲。一上坐就有杯暖熱水送黎，有效率。先嚟左杯奶茶， 本身無太大期望。一飲 奶味夠濃，茶味無問題 夠滑 不會’劫‘。隨後上餐， 第一啖試下塊牛仔柳，心裏嘩🥰有鐵板燒過的香氣 肉質是嫩質有肉汁 最緊要唔難咬開 仲有少少黑椒香。一共是4塊牛仔柳。野菌汁是夠味且微香 再有小小菇 紅蘿蔔 翠玉瓜伴碟。本以為係煮到好熟好唸果種的，但食落口仲有新鮮口感，啱曬。 下午茶價錢為$40-$62左右，仲有加一。外面有露天花園 可外出用膳，餐廳環境乾淨光亮。後來發現有酒櫃 。

太耐無黎過上水食野啦～ 原來上水廣場5樓有好多不同餐廳，今日黎左呢間，卡位非常寬敞，我地3個大人2個小朋友 都唔覺得逼。環境真的唔錯，仲有戶外花園位置，下次無小朋友可以坐出面。2點開始就有下午茶，份量都好大份，仲有2款係提供俾素食人仕，非常好。我就叫左個素漢堡試下，食材係普普通通既 大啡菇 炸洋蔥圈 青瓜 蕃茄，味道就一般啦。炸薯條 係新鮮即炸 熱辣辣 好味～ 我覺得餐廳最貼心係有兒童餐，份量都好充量，配搭都好好，有西蘭花栗米 薯片 仲有肉醬意粉，唔錯，有小朋友同行 呢度環境配套係幾好既選擇！

.呢間餐廳出嘢冇秩序， 兩個人食早餐叫兩份早餐第一份45分鐘後先到， 第二份 早餐 原來廚房漏咗單， 重新排隊30分鐘 等了又等 無了期 延期 火到來唔再等， 以後唔好搞一次多夠， 服務差 食物質素麻麻 不過 真係食得飽嘅 因為成個肚谷住道氣

兔年已經去咗幾次酒樓聚餐(終於有團拜)! 嚟到年初七人日，同阿媽西餐廳早餐。早晨九點幾都唔使點等位。食物可以跟餐㗎啡唔掂(除非叫特色)，但奶茶就ok呀。好太陽，食完行出去小花園影相今天陽光充足。

呢間Tablier Bistro & Bar,早餐就如同我標題所講既一樣，真係快～靚～正！首先來到餐廳面口時，見佢地早餐時段既人流都唔小，但侍應都非常之迅速地帶位入座，抵讚！👍🏻重第一時間送上餐牌，我都好有效率點左英式早餐，十分鐘不到食物就放到我門前啦，賣相也不錯👍🏻👌🏻多士係用我喜歡既丹麥厚多士鬆軟好香牛油味，我會配住茄汁豆一齊食太陽蛋煎得一百分，薯餅香口，還有沙律菜可以均衡營養🥗呢個早餐好滿意，而且價錢經濟實惠，一定會再訪☺️