大冒險家餐廳

营业中

休息中

大冒險餐廳係成個迪士尼樂園園內比較貴嘅一間餐廳，每個套餐都過百蚊，有d 128有d 138。 我食呢個三文魚便當就係138嘅餐黎。 佢入面有一大塊熟三文魚(鐵板烤)， 飯，菇，菜同埋d日式配菜例如辣芽菜，黃蘿蔔，子薑呢d, 樣樣都好有日本餐廳嘅水準。 個個便當嘅三文魚都差唔多大塊，又厚，有成cm咁厚。個份量黎講，如果一個女仔食，有可能會食剩少少，對男仔黎講就可能岩岩好。我就同朋友2個share都有d飽肚。因為佢仲配杯汽水或者檸茶。 另外仲可以加10蚊配原價30蚊嘅果汁，好抵!!至於等候時間，由排隊到買完都只係十分鐘，算好快，服務態度都好好 而環境方面，成個環境都好配合謎離莊園嘅設計，仲有d裝飾品。 我地食野之餘仲可以同d裝飾品影下相。位置都好多，不過有d位就冇冷氣冇咁好。整體黎講都好滿意，好味又有得影相。