影片
相关文章
#20241109 🤍📍 #大冒险家餐厅 @hkdisneyland 大屿山香港迪士尼乐园迷离庄园➖➖➖➖➖➖➖➖➖➖➖➖➖➖➖➖➖#半自助晚餐 $508/位 🥢 #脆皮香草鲈鱼 💭 半自助餐可以先拣一个主食，印象中有海南鸡饭、意式云吞、和牛汉堡同埋呢个鲈鱼，面头鱼皮煎得好香脆，不过略嫌有啲咸，底下个咖喱椰香味好重，一啲都无辣，做到老少咸宜🐟. 🥢 #前菜 💭 半自助餐特点就系除左主食，其他野都可以出去拎，出面有唔少冷盘，当中海鲜有青口同冻虾，非常鲜甜弹牙🦐亦有唔少唔同国家既沙律，例如有个俄式酸瓜蛋配吞拿鱼蓉几得意，平时唔常见到有得食🥗. 🥢 #热食 💭 如果一开始叫果碟主食唔够食的话，出面都有啲热野顶下肚，为左证明佢系适合大人同细路，连个酸辣汤都整做甜版，第一啖饮落甜甜酸酸有啲奇怪，但又会越饮越想饮😂仲有个印式鹰嘴豆咖喱，特别在佢唔系用薄饼而系用窝夫点尼食，甜甜咸咸系有啲惊喜🧇. 🥢 #甜品 💭 出面有三张枱，甜品都霸左一张有多，何想而知佢啲甜品系算多种类，有cookies、有pancake、有蛋糕亦有新鲜水果，另外最尾仲会每人送一杯雪糕，一路行一路食都得🍰. 🥢 #饮品 💭 一坐低已经一人有一杯白桃梳打，当然仲颈渴出面都有茶或者果汁饮，斋讲野食呢间野就肯定唔抵食，个半自助餐仲要得90分钟食得有啲赶，但换个角度睇佢呢5百几蚊系包埋睇烟花个vip位，咁就好似值值地，如果未睇过个烟花，都建议企个靓啲既位睇既🎆.#大屿山美食 #🐷在大屿山 #🐷_食
继续阅读
最初转做半自助餐厅时,已帮衬过一次,当时有几款主菜....牛柳,大虾炒饭....,今次转左新餐牌,就来试一下!主菜四选一,拣左印度咖哩鸡,完全唔辣,鸡有4,5件,印度米口感唔系人人啱!另一款点左磨菇千层面,可能已一早煑好晒,入口好似食软餐咁,非常糊口!另外还有羊肉香饭,牛小排刀削汤面.....应该都唔系普通人嘅口味!主菜既然唔吸引,就去食下前菜,沙律,甜品...有少少cold cut,沙律菜,尚算ok,蜜糖鸡翼冇乜味,炸椰菜花算有特色,甜品制作都好花心思,外型好出色,但整体真系好「甜」,打咭一流,入口就...饮品有橙汁,芒果Lassi,咖啡,茶....全埸食客不多,只开左两个厅,眼见只有二,三十食客,职员都好悠闲,可不停整理自助区食物及夹具!收费$298,唔算贵,作为游客,一试无妨,食物方面,真系未必人人啱食!
继续阅读
作为迪士尼嘅资深粉丝，入面每一间餐厅我都几乎食过。但系讲到性价比最高，最舒服一定系大冒险家餐厅。呢间餐厅系半自助餐。统一收费，入到去只要拣自己钟意主菜，然后就可以随意出去攞食物。呢度嘅食物主要系围绕着亨利博士冒险过嘅地方😂主要划分咗做，中国，俄罗斯，埃及，摩洛哥同印度。🥗前菜除咗会有好基本嘅凯撒沙律，仲有世界各地嘅特色沙律。🥦仲有一个系印度式嘅炸椰菜花，佢系一层橙色，但有少许香料味嘅炸粉包住一嚿椰菜花。不过我个人略嫌佢个粉衣太厚，而且炸得唔够香脆。仲有最出色嘅蜜糖鸡翼，可能其他前菜口味比较特别，未必个个钟意，所以呢个蜜糖鸡翼变成咗抢手货，基本上一出炉唔使3分钟已经冇晒。主菜我哋叫咗蘑菇千层面同埋摩洛哥羊肉。🐑摩洛哥羊肉嚟讲佢只有几粒，下面全部都系浓郁香料味嘅配菜。我个人就唔系几接受到，性价比都唔太高，唔系几推荐。🍝蘑菇千层面就比较好，食物好香松露味，口感丰富。不过一定要趁热食，冻咗啲芝士就会一嚿嚿，影响口感。甜品方面，做得非常用心，每一款都有精致嘅造型。其中我觉得最特别嘅系俄罗斯棉花糖。好精致嘅俄罗斯娃娃造形，但系个外皮系硬嘅。一开始心谂咁硬点会系棉花糖啊，原来咬入去系一嚿朱古力包住一层薄薄嘅棉花糖，都几特别。呢度喺食方面就真系麻麻哋㗎啦，可能我个人比较唔钟意香料味嘅食物。但系价钱同埋迪士尼入面其他餐厅差唔多，而且多数都唔使等位，入边环境比较安静，座位比较阔落。都值得我再三选择佢嘅。
继续阅读
喺迪士尼里面行到攰攰地又想食吓自助餐，就可以嚟到大冒险餐厅食，这餐厅是半自助式，每人只需选择一个主食，就可以在餐厅大堂自行拎沙律、熟食小吃、甜品、饮品等等，主食有四款，而我地选了其中两款：🌸炖牛小排汤刀削面药材汤底，牛小排非常嫩滑，而且萝卜炆得够入味，刀削面小小烟靭，不过不失。🌸蘑菇千层面表面满满水牛芝士，多款蘑菇非常好味儿童套餐：（11岁以下儿童）肉丸配迪士尼通粉半自助有多款选择，不一一介绍啦熟食：🍀蜜糖鸡翼—浓浓蜜糖香味，肉质嫩滑🍀茄子酱配蒜蓉多士—茄子酱味道浓郁，有印度香料，配搭蒜蓉多士非常绝配。甜品：🍀面包布丁—这个配搭埋云呢拿酱汁非常好味，布丁超滑呀！鸡蛋味够香。🍀埃及牛奶朱古力配榛子慕丝—用了40%牛奶朱古力整，味道好香而且好滑身。沙律：🍀新鲜沙律菜🍀鲜甜西瓜🍀浓郁哈密瓜还有大大惊喜，朋友挂了生日襟章，职员们突然来唱生日歌及送上生日蛋糕，全场宾客都为朋友庆祝生日，而且生日蛋糕嘅碟上画了唐老鸭公仔非常漂亮。🚨优惠详情：2025年3月15日至6月30日期间，「奇妙处处通」会员即场入座可尊享「冒险家半自助餐」75折优惠。由头盘、沙律、主菜到甜品，一道接一道的风味美食，勾勒出环球异国风貌，让你与挚爱探索一场精彩的味觉旅程。受条款及细则约束。「冒险家半自助餐」会员优惠日期2025年3月15日至6月30日地点大冒险家餐厅 (迷离庄园)「奇妙处处通」会员专享即场入座可尊享「冒险家半自助餐」75折优惠用餐时间每位75分钟成人：$298小童：$198
继续阅读
今日迪士尼揾嘢食😍行到去迷离庄园差唔多要揾嘢食☺️睇到大冒险家餐厅嘅半自助餐嘢食款色算多，又有前菜又有甜品主菜嚟讲都有唔同选择😍想食记得要先预约仲要预订Full Pay 先会有位🥹晚上六点三正式开始入到去未有主食，可以出去攞嘢食先🥰前菜主要有虾同青口虾都算新鲜☺️ 之后仲有呢个好多人攞嘅埃及意粉的确整得唔错，亦有浓浓嘅芝士🥰之后就上主菜呢个香草鲈鱼面系整得好㶶🥹但入面嘅鱼系好味嘅亦冇煮得过熟之后就去安全之选海南鸡🐓如果大家有食过美心嘅海南鸡饭嗯就系呢种水准，亦有酸瓜、酸萝卜开胃不过可以讲就系鸡嘅份量系多嘅🙆🏻♀️当然仲有唔少甜品选择当然都唔少得同迪士尼有关嘅甜品😆试咗一个呢个芒果班戟都系以忌廉为主🥹麻麻地仲有呢杯我冇咩点饮嘅奇异果特饮🥝最后我谂拣嚟呢度食嘅最大原因就系因为有得喺VIP位置欣赏烟花😆其实我都系有机会第一次咁近距离睇到嘢食嚟讲当然唔算系十分好味但胜在坐得舒服，而且食物选择较多🫶🏼当然都有啲系唔好味嘅嘢食🥹但可以喺咁前咁正中咁睇到烟花而且唔需要迫🥰我谂价钱有一半都系因为呢一个烟花位😍
继续阅读