Soo Viet (已結業)

今日下午越南癮發作，下午茶嚟到呢一間都幾正宗嘅越南菜食越式三文治。一定要點一杯越南咖啡懷緬一下，話晒能夠冇穿冇爛返嚟香港已經係一個感恩。呢度嘅越南咖啡可以過濾完後加冰做凍飲，味道帶點朱古力香同埋牛油香味，正宗而且不會過苦，甘香無比，個人應為都係熱飲比較好飲。其實我爸爸整嘅都十分之好食，因為中國內戰時爺爺一家移民到柬埔寨越南一帶定居，所以吃得一口正宗法越美食，而做到好美味的三文治，可惜之後再內戰才回流。呢度嘅越式發包有兩種扎肉喺裏面，配想紅蘿蔔絲蔬菜以及比較正宗嘅吞拿魚醬，法包香脆不過太大，搞到個餡好似唔夠料咁，不過其實整體係偏大，抵食得很。一杯咁正宗嘅咖啡配上咁大份抵食，而且用了其實很足夠的法包下午茶才$30你話抵唔抵? 我自己就覺得好OK。下次我會試吓呢度嘅越南粉睇吓有冇我伯娘做得咁出色。