影片
食家推介
牛骨汤底好味，米粉粉身弹牙，并十分正宗，味道皆与河内市区质素较好的食店相若。尤其餐咖啡之正宗，喺全香港皆属少见。春卷皮薄而酥，菜脯馅比例佳，好食。套餐价格低廉，乃至于无法与食物相衬，抵。推荐尝试：最普通的生牛肉河，与香港区其他竞品高下立判。本人由fm食到junior，第一次去食时，店员间以西贡片越南语交谈（然而本店供应之食物系河内口味，此事有少少诡异），我听唔明。现在，我识听咗越南语，佢哋却转咗讲广东话。我依旧听唔明。
继续阅读
西环餐厅的价钱总是停留在10年前，返工食晏会特登搭2蚊叮叮时光机过嚟食。门口系一度低调嘅烫门，次次约人黎食朋友都会揾唔到个入口。舖头入面比较细大概可以入座20人。平时都唔需要等位，可能最近天气热大家都想食啲酸酸甜甜嘅嘢，今次嚟咗等咗三个字左右先入座。🍲 生牛肉檬粉 $36 (lunch menu)虽然平但牛肉多多，洋葱多多，檬粉多多，汤多多，芽菜多多，加上清甜牛肉汤底，系我食过最抵食嘅越南粉没有之一。由于加热饮要加$3冻饮要加$6所以就冇加嘢饮。
继续阅读
牛丸河粉🍜$19下午茶时段嘅优惠🥸供应时间为下午15:00至17:00😏仲要包热饮，真系好抵食😇虽然只有三粒细细粒嘅牛丸😂但食Phô最重要都系个汤底😎个汤我系满意，面嘅份量都算几多😌整体味道的确唔错😁仲可以自己加芽菜、青柠同辣椒🌶️而且包饮品，$19可以话系绝对超值🤗我睇返资料，原来呢个下午茶餐😗2018年已经有，咁多年都无加过价🤩Soo Viet (西环)西环西营盘德辅道西247号地舖
继续阅读
望落去一啲都唔起眼，好似一般嘅茶餐厅，不过三十几蚊有午市套餐，拣咗越南生牛河和鸡丝河，牛骨汤底比较淡，不过冇味精，鲜虾猪肉粉卷就冇乜特别，好似净食紧米粉咁，追加咗越南咖啡，成set系你面前，睇啲香浓嘅越南咖啡慢慢滴落嚟，虽然地方好普通，但系都不失品味，唔会求求其其，睇落仲好丰富，唔系话超好味，份量都OK，总算食得饱，最重要系价钱唔贵，做得几有心。不过坐喺最入面𠮶张枱，有一阵臭味，可能系旧楼嘅关系，希望可以改善一下。
继续阅读
星期三做野做到闷闷地，突然老友话不如lunch一齐落西营盘食，都好㖞，又冇中上环咁多人，落到去心血来潮不如试下去之前经过既越南小店Soo viet, 一入到去里面大概得5-6张台，真系名符其实系小店黎！一坐低睇到个lunch menu，相当之抵食，生牛河$36一碗，饮品再加钱，我地另外再加左个越式春卷，呢个就有少少家常小菜咁既感觉，好平实。讲返个生牛河，汤底好味，牛肉就少少似牛脷果d位置，个河粉就相当正，又薄又够滑，要加分！论价钱质素，绝对抵食夹大件，下次一定会再黎试其他菜式！
继续阅读