滿華堂茶餐廳小廚 (已結業)

朝早返工前去搵間茶記食早餐。搵過西營盤幾間茶記，呢間算係無乜負評既餐廳。尤期疫情，最怕搵到唔乾淨既茶記之後又痾又嘔。入到去冷氣充足，有位，位都算乾淨，因疫情期有隔板隔住，唔會話食客之間坐得好近。算係人情味小店，老闆同老闆娘同幾位熟客係度吹水，招呼也有禮及周到。惟三文治不太理想，涵少，蛋乾；蛋牛治應該要滿溢，食到啖啖牛肉先叫好食。凍檸茶幾好飲。比多次機會呢間，所以唔俾負皮。建議去既話可以試下三文治以外既餐。就環境而言同乾淨度黎講算好過好多茶記。