麥明記

营业中

休息中

以麵食來講 呢幾年一定係日本拉麵或者米線稱霸 店鋪開到成行成市 但其實香港的雲呑麵 真心好正 拉麵控好多 但可能我係較少數的雲呑麵控麥明記>係西營盤站附近，店內裝修乾淨侍應有禮，亦都有少量卡位，可以坐得非常舒服。價錢方面唔算好平但都可以接受ge! 今次叫左蝦子撈麵同細蓉蝦子麵：蝦子份量夠，非常香。撈匀後 每啖麵都沾到蝦子。食兩啖麵， 飲啖湯 好味道細蓉：主角雲吞唔大粒，不過食得出蝦好爽口，應該都新鮮，豬肉同蝦比例剛好。麵ge麵質比一般麵檔幼細，爽得黎唔會硬，無咩鹼水味，咸香湯底好濃好香，同麵條好夾。雖然一碗份量唔算好多，可能好多人食左後都係大概六七成飽。不過價錢份量質素整體黎講係比正宗果間抵食，適合當下午茶過口癮。