青花 (THE FOREST)

旺角The Forest商場，東南亞fusion餐廳，餐廳門口有一大片綠色植物牆，打卡景點呢。食店裡一大片綠色佈置，而且餐廳環境頗闊落，感覺好舒服，榮華的都市找尋一片寧靜。menu食物選擇唔多，同平時食的泰菜好唔同，隨意點了兩三道菜，都有點失望。最有期待的飲品……龍鬚三色冰奶蓋，真係喜出望外，又吸睛又好味。我唔飲芝士的，慶幸可以走奶蓋，無奶蓋都好好味呀。龍鬚糖加椰奶造出兩種不同的口感層次，真的可以一試再試。約三四知己來飲下嘢都可以，但食物就好有保留。希望食物質素可以有所改善，選擇的款式會再多元化一點。