芝加哥串燒 (美豐花園) (已結業)

今日家姐喺太和收工，問我搵唔搵佢一齊食晚飯。佢請食飯，就緊係好啦XD佢話同事推介佢食附近一間串燒，由於我食咩都冇所謂，就決定去呢間芝加哥串燒酒場~我地叫左一口和牛串兩串（$42@1）d和牛好鮮嫩，唔會太熟剛剛好。金菇牛肉卷兩份（$28@1）簡單但好食嘅配搭，咬落d醬汁湧曬出黎。蜜糖雞翼四隻（$10@1）外脆內軟，甜甜地好開胃。芝士雞肉串兩串（$20@1）雞肉好滑身冇雪藏味，加埋芝士一齊燒好match。玉子燒四件（$31）加左醬汁先燒，味道更豐富。我食串燒一定唔少得嘅菜:串燒娃娃菜六串（$14@1）、韮菜燒四串（$14@1）、燒冬菇三串（$14@1）、招牌原條茄子燒（$30）所有蔬菜都夠新鮮，亦冇因為燒得太耐而變得乾硬。特別要讚個燒冬菇，菇味濃郁，就連我家姐平時唔係特別鐘意食菇都覺得好正！另外，佢個茄子燒得剛剛好，茄子軟綿綿配埋蔥蒜，用筷子一拉成絲再捲埋食，口感一流！香草芝士焗雜菌（$33）芝士配雜菌係無敵，再加入少少香草調味，就更加惹味。芝士燒廣島蠔一隻（$25@1）同燒牛油帆立貝一串（$32@1）都係我家姐食，佢話兩者都好新鮮，廣島蠔加上芝士燒，咬落去芝士同蠔嘅鮮味融合埋一齊very