大瀛喜日本料理 (已結業)

今日有喺旺角搵好嘢食，本身有個朋友生日着同佢成有生日優惠嘅放題，點知間間都話約八個人以上先有優惠。咁就是但揀一間啦。首先講講刺身，咁多款刺身覺得最好食就三文魚，甜蝦冇乜味就莫講話虎蝦啦，但係佢有啲特色有個叫櫻花魷魚我就覺得呢款係全個刺身最好味嘅起碼有啲鮮味先啦。但不得不讚嘅係佢係裝飾真係好靚仲用乾冰營造有煙嘅效果。就算唔係好好食外觀都加左分。到熟食了，除咗一般放題都會有嘅芝麻炸雞翼等等我推介嘅就係呢個蜜汁雞翼，雞翼大大隻得來仲有肉汁，有少少喜出望外。呢個鰻魚又好正，比起以前個食啲放題，d鰻魚又細塊又薄仲要咁乾身，呢個鰻魚簡直係一流。又後生又多汁。但係同一般放題一樣張枱細到呢，放咗一盤刺身已經冇位擺其他嘢，好在d服務都好好，d侍應營收碟收得好快，你都要食得好快，因為佢上菜都好快。哈哈。甜品方面就冇乜選擇，亦都冇貴價雪糕，但係佢個雪糕櫃嘅雀巢雪糕就多不勝數又有雪米糍又有雪條。驚喜係原來七點半之前買單仲有八五折二百幾蚊一個人都算係咁。。下次記得早d來食。