影片
更多
2021-08-15
177 浏览
牛大人我諗好多人都食過，我第一次食嘅時候只係得旺角總店，而家已經一共有6間鋪，香港人果然係好鍾意打邊爐🤣今日嚟到荃灣分店，諗住早啲食完可以早啲落格，所以5:10已經到咗舖頭，但估唔到有好多Walk in嘅人要排到7:30先有位，好彩有book位!!!!今次湯底揀咗牛大人紅燒牛骨鍋，超級濃味！而且真係有四五嚿牛骨係入面，店員加湯之前會問清楚係咩湯，確保加湯之後都唔會淡咗味/唔同咗味，呢樣嘢值得一讚!!!今次揀咗最貴嘅澳洲極上和牛餐，一共有七款牛肉任食，肥嘅瘦嘅都有，我覺得最好食嘅係手切封門柳同澳洲和牛M5牛肩卷。💛 封門柳好重牛味，口感唔會韌，試過有幾嚿唔小心滾咗兩三分鐘，咬落都唔會好硬好韌。💛 澳洲和牛M5牛肩卷都好正比起其他牛肉大塊，中間一條白色，雪花分布平均，唔算多雪花，食落有油香之餘又唔覺油膩，肉感同油花平衡，食多幾塊都唔覺濟!!! 💛牛胸爽除咗牛肉之外仲有其他牛嘅部位，最好食係牛胸爽！唔好見佢成塊白色就以為會超油膩，食落真係爽口又唔覺得食咗成口油!!💛澳洲和牛牛丸真係比起普通牛丸濃味同甜，口感彈牙，可惜嘅係咁好味嘅牛丸每人只有兩粒冇得任嗌。其實其他嘢食都好味㗎！💛蟹籽墨汁漿真係
牛大人我諗好多人都食過，我第一次食嘅時候只係得旺角總店，而家已經一共有6間鋪，香港人果然係好鍾意打邊爐🤣
今日嚟到荃灣分店，諗住早啲食完可以早啲落格，所以5:10已經到咗舖頭，但估唔到有好多Walk in嘅人要排到7:30先有位，好彩有book位!!!!
今次湯底揀咗牛大人紅燒牛骨鍋，超級濃味！而且真係有四五嚿牛骨係入面，店員加湯之前會問清楚係咩湯，確保加湯之後都唔會淡咗味/唔同咗味，呢樣嘢值得一讚!!!
今次揀咗最貴嘅澳洲極上和牛餐，一共有七款牛肉任食，肥嘅瘦嘅都有，我覺得最好食嘅係手切封門柳同澳洲和牛M5牛肩卷。
💛 封門柳
好重牛味，口感唔會韌，試過有幾嚿唔小心滾咗兩三分鐘，咬落都唔會好硬好韌。
💛 澳洲和牛M5牛肩卷都好正
比起其他牛肉大塊，中間一條白色，雪花分布平均，唔算多雪花，食落有油香之餘又唔覺油膩，肉感同油花平衡，食多幾塊都唔覺濟!!!
💛牛胸爽
除咗牛肉之外仲有其他牛嘅部位，最好食係牛胸爽！唔好見佢成塊白色就以為會超油膩，食落真係爽口又唔覺得食咗成口油!!
💛澳洲和牛牛丸
真係比起普通牛丸濃味同甜，口感彈牙，可惜嘅係咁好味嘅牛丸每人只有兩粒冇得任嗌。
其實其他嘢食都好味㗎！
💛蟹籽墨汁漿
真係黑蚊蚊㗎🤣 口感爽彈又鮮味。
💛期間限定 章魚珍珠漿
都係好好味！有一粒粒珍珠size嘅章魚喺入面增加口感，口感豐富又鮮甜!!!
其他菜同丸類嘅選擇都好多，但另一樣最正嘅係飲品櫃，十幾款飲品任拎，今次仲加錢試埋佢地自己釀製嘅落花流水手工啤酒！飲落有種淡淡嘅桂花香味，飲完口入面仲會有陣花味嘅after taste，平時唔太鐘意飲啤酒嘅人都應該接受到！值得一試！
最難得嘅係雖然開咗好多分店，但質素仲係keep住，難怪咁多人幫襯啦！7:30前埋單先係$248炸真心抵食！
味道: 🌕🌕🌕🌕🌑
服務: 🌕🌕🌕🌕🌑
環境: 🌕🌕🌕🌕🌑
價錢: 🌕🌕🌕🌖🌑
－－－－－－－－－－－－
📍 牛大人台灣火鍋吃到飽 (荃灣)
荃灣眾安街55號大鴻輝(荃灣)中心16樓
－－－－－－－－－－－－
张贴
