影片
更多
2019-08-28
1187 浏览
之前路過九龍城，已經見到有唔少新開嘅日本餐廳 ，目測都似乎唔錯，今次約朋友試下，睇下九龍城區泰國菜之外嘅選擇如何。見呢一間小店，門外都有幾多人排隊，一於去試下，一入到去係居酒屋嘅格局，雖然地方不大，但充滿溫暖嘅感覺。滿滿都是客人，但唔會坐得好逼。食物嘅選擇都幾豐富，不過見到有唔少客人都嗌串燒，當然要試下啦。先來一客石鍋鰻魚飯，鰻魚肉質嫩滑肥美，食落好香口，醬汁夠惹味，而且充滿油份， 魚肉夠厚身，非常高質。 而且燒得好香，熱辣辣，加埋底下嘅飯焦食，鍾意食鰻魚嘅人一定唔可以錯過。雞肉漢堡串燒配上原隻日本蛋，蛋黃同醬汁撈埋一齊食，令到肉質更加嫩滑，而且隻蛋好香蛋味，咁樣嘅食法好特別。大蔥雞肉串同埋雞軟骨串味道都唔錯，尤其係大蔥雞肉串非常juicy，加埋大蔥又甜甜地，同日本食到嘅雞肉串一樣好味！同場亦都有唔少客人嗌咗鍋物，睇嚟鍋物都係呢度嘅撚手小菜， 每隻日本號都非常肥美，差唔多有一隻手指咁大，配埋底下鮮甜嘅蔬菜，食落好清新好舒服。刺身方面我哋就選擇咗廚師推薦嘅原條池魚刺身， 魚肉鮮甜， 味道清爽 ，肉質富有彈性 ，配埋佢哋特製嘅酸汁，酸甜開胃。師傅刀功幾好，而且仲好有心思，將切好嘅魚肉切成一
見呢一間小店，門外都有幾多人排隊，一於去試下，一入到去係居酒屋嘅格局，雖然地方不大，但充滿溫暖嘅感覺。
滿滿都是客人，但唔會坐得好逼。
食物嘅選擇都幾豐富，不過見到有唔少客人都嗌串燒，當然要試下啦。
先來一客石鍋鰻魚飯，鰻魚肉質嫩滑肥美，食落好香口，醬汁夠惹味，而且充滿油份， 魚肉夠厚身，非常高質。
而且燒得好香，熱辣辣，加埋底下嘅飯焦食，鍾意食鰻魚嘅人一定唔可以錯過。
雞肉漢堡串燒配上原隻日本蛋，蛋黃同醬汁撈埋一齊食，令到肉質更加嫩滑，而且隻蛋好香蛋味，咁樣嘅食法好特別。
大蔥雞肉串同埋雞軟骨串味道都唔錯，尤其係大蔥雞肉串非常juicy，加埋大蔥又甜甜地，同日本食到嘅雞肉串一樣好味！
同場亦都有唔少客人嗌咗鍋物，睇嚟鍋物都係呢度嘅撚手小菜， 每隻日本號都非常肥美，差唔多有一隻手指咁大，配埋底下鮮甜嘅蔬菜，食落好清新好舒服。
刺身方面我哋就選擇咗廚師推薦嘅原條池魚刺身， 魚肉鮮甜， 味道清爽 ，肉質富有彈性 ，配埋佢哋特製嘅酸汁，酸甜開胃。
師傅刀功幾好，而且仲好有心思，將切好嘅魚肉切成一朵玫瑰花，食起嚟都開心啲。
而且店員仲好貼心咁將我哋食完嘅魚頭同魚骨拎去炸做小食，可以畀我哋送酒，好似食緊台灣嘅魚骨酥咁，香脆惹味。
除番開每人大概四百蚊，價錢都算合理，食物亦都好新鮮高質，唔錯。
张贴
