粵式生香蒸氣海鮮火鍋 (已結業)

我同我啲好同事去咗個好地方去食晚餐聚會。我同事揀咗呢一間蒸海鮮嘅餐廳。佢除咗好正海鮮之外，仲有蒸雞，蒸牛肉，蒸蔬菜同埋，一啲小菜同小食。喺嗰度可以叫日本sake酒估。唔到佢哋啲海鮮真係好新鮮，同好甜。我哋叫咗一個set之後，再加左其他嘢。佢嗰個蟲草花雞真係好香好滑。帶子同啲貝殼類食物都好鮮甜。個蟹又鮮甜。蝦肉又爽又甜。細細地嘅魚都幾甜架。最估唔到嘅事，原來佢蒸牛肉都可以好滑同好食，仲好香牛肉味。最好味嘅就係蒸完晒啲食物之後，佢會有一個粥同一個湯。個粥同個湯都有海鮮同肉嘅精華喺裏面。出面試過食粥，但係未試過有湯飲啊。個湯真係甜到震！正！