影片
更多
2018-06-27
1065 浏览
約朋友食飯，月初約第一次夾唔到時間。好彩月尾最後都約到。放工各自返歸既中間點晌尖沙咀，又想食日式菜，想要有甜品既，宏Hiroshi滿足晒我地所有願望😁 夜晚七點半，人唔算多，地方大座位多，唔洗等位，侍應姐安排左個靚位yeah~餐選擇都幾多，但唔怕選擇困難症發作，因為可以嗌迷你版配搭餐，一次過食晒所有想食既，所以朋友就嗌左迷你三彩定食餐，跟飲焙茶奶。我嗌左炸豬扒飯跟迷你烏冬。不過烏冬可能太好食賣晒，於是自動轉左蕎麥麵~ 飲品要青森蘋果汁。飲品先上。焙茶奶細細杯，有薄薄既泡沫，似港式轉日式升級版奶茶，幾有趣。青森蘋果汁甜甜酸酸又夠冰凍，唔似一般蘋果汁甜得黎澀，好飲好多。餐上枱就好似大排延席咁 😂 成枱都係。太多款式，兩個人仲可以交換食。識食一定食熱湯麵先，唔先食怕麵浸湯太耐會腍。海帶湯有用樫魚熬過，味道剛好唔太咸，配起淡味但有陣陣蕎麥香既麵就好好食。迷你三彩唔算迷你，實情每款份量算多。三彩有鰻魚飯、三文魚腩飯、蕎麥麵。食左半條饅魚，肉薄而充滿燒汁味。三文魚腩幾鮮味，入口即溶易拌飯。如果鐘意刺激，又唔怕攻鼻，可以撈埋成團新鮮山葵蓉一齊食，不過我地怕辣所以無咁做 😂炸豬扒炸得脆香，配埋日式燒汁
餐選擇都幾多，但唔怕選擇困難症發作，因為可以嗌迷你版配搭餐，一次過食晒所有想食既，所以朋友就嗌左迷你三彩定食餐，跟飲焙茶奶。我嗌左炸豬扒飯跟迷你烏冬。不過烏冬可能太好食賣晒，於是自動轉左蕎麥麵~ 飲品要青森蘋果汁。
飲品先上。焙茶奶細細杯，有薄薄既泡沫，似港式轉日式升級版奶茶，幾有趣。
青森蘋果汁甜甜酸酸又夠冰凍，唔似一般蘋果汁甜得黎澀，好飲好多。
餐上枱就好似大排延席咁 😂 成枱都係。太多款式，兩個人仲可以交換食。識食一定食熱湯麵先，唔先食怕麵浸湯太耐會腍。海帶湯有用樫魚熬過，味道剛好唔太咸，配起淡味但有陣陣蕎麥香既麵就好好食。
迷你三彩唔算迷你，實情每款份量算多。三彩有鰻魚飯、三文魚腩飯、蕎麥麵。食左半條饅魚，肉薄而充滿燒汁味。三文魚腩幾鮮味，入口即溶易拌飯。如果鐘意刺激，又唔怕攻鼻，可以撈埋成團新鮮山葵蓉一齊食，不過我地怕辣所以無咁做 😂
炸豬扒炸得脆香，配埋日式燒汁，完全係日本菜既風味。如果可以有埋蛋黃醬就好啦，哈哈哈。
跟餐都有一小碗沙律菜做前菜，沙律菜加左柚子醋，少左草青味。無當前菜咁食，用黎拌飯都一流。
食飽飽更係要食甜品啦～ 原本想一人一個，不過飯餐太豐富，我地第二個胃都差唔多被佔據，所以決定都係兩個人share 一個啦，於是只係嗌左抺茶軟雪糕芭菲。
芭菲配有抺茶啫喱、甜丸子🍡、紅豆蓉、甜脆餅、杯中層係杏仁脆脆、底層有一小塊蛋糕。全部都咁夾個抺茶雪糕，想點食就點食🤗😋 食得開心又滿足~
张贴
