正潮樓 (中國太平大廈第一期)

营业中

休息中

正潮樓 銅鑼灣新寧道8號中國太平大廈第一期地下B號舖-----好耐冇食潮州嘢，收工心血來潮約咗朋友嚟呢一間位置鬧中取靜嘅潮州菜餐廳食個晚餐。餐廳裝修四四方方咁，唔會好壓迫，光猛整潔，用餐環境幾舒服，仲有啲廳房，俾人包廂。鵝翼：食潮州菜就一定要叫滷水，呢度嘅鵝翼好大隻，肉質滑嫩實淨。鵝肉香味濃郁，無肉腥味，又唔會太鹹。魚露浸花甲：擺盤好精緻，望落去一大堆花甲攤開，橙橙紅紅咁，係幾靚。花甲飽滿彈牙，食得出用了好新鮮，加埋微鹹濃郁魚露醬汁，粒粒飽含鮮甜味道，加上冰冰地，好開胃。煎九肚魚烙邊緣酥脆，中間保留咗九肚魚個種滑溜嘅口感，食落去好輕盈唔會好重麵粉感，幾足料。老菜脯燉豬肚湯汁濃郁醇厚,胡椒味回甘悠長,豬肚爽彈，處理得好乾淨，老菜脯食落去有啲似筍嘅口甘，幾特別。潮汕鼠殼粿粉團Q彈有勁, 食落外層好軟糯，中間嘅餡料係低甜黑芝麻餡，高質得黎好少地方食到。