Mr. Steak Buffet à la minute (已搬遷) 新店位置

上年12月食完，今日再食。呢間野好勁，人地buffet佢又係buffet，佢永冇有discount，永冇話用咩credit card有折，但…無論weekday weekend一樣多人，好癲，我仲要係超過一個星期之前book先有位，仲要係唔平，仲要你入到去就知道其實坐得唔算舒服，都幾埋下添呀同隔離，可想而知，呢度sell gei係食物quality!!其他唔講，就講佢招牌果幾樣，已經好足夠，分別係oyster、海膽、鵝肝、心太軟。Oyster係日日唔同的，佢仲有分國家，重味淡味，排埋次序教埋你食，唔新鮮唔出，咁就知道實好食，到海膽，呢個就真係講明限量供應，佢會將一片海膽放係塊青瓜上面，普通都好新鮮，甜甜的，一d都唔’聲’，正，鵝肝配多士，基本上無限供應，煎一煎，出面熱少少脆，入口即溶，好好味!心太軟就一般，未至於好流心，只係少流心，但可以寫字，幾特別。其他食物…其實唔係好記得，哈哈，但我依然會覺得呢間野好正，一路想再食。